Read Papantla Totonac Josue 13 Bible Online

Josue 13 - Papantla Totonac bible

Josue 13

¹Awor Josue tabata bieu i di edat avansa ora SENOR a bis'e: "Bo ta bieu i di edat avansa, i ta keda masha hopi tera pa podera di dje ainda.

²"Esaki ta e tera ku ta keda: tur e regionnan di e filisteonan i tur esnan di e gesuritanan;

³for di Sihor, ku ta keda pariba di Egipto, te na e frontera di Ekron bai nort (esaki ta wordu konsidera komo kananeo); e sinku gobernantenan di e filisteonan: e gazeo, e asdodeo, e askaloneo, e geteo, e ekroneo; i e aveo

⁴bai suit, henter e tera di e kananeonan, i Meara, ku ta pertenese na e sidonionan, te na Afek, te na e frontera di e amoreonan;

⁵i e tera di e giblitanan i henter Libano den direkshon pariba, for di Baal-gad na pia di Seru Hermon te na Lebo-hamat.

⁶"Tur e habitantenan di e serunan for di Libano te na Misrefot-maim, tur e sidonionan, lo Mi kore ku nan for di dilanti di e yunan di Israel; solamente, partie pa medio di lot pa Israel komo un erensia, manera Mi a ordenabo.

⁷Asina anto, parti e tera aki komo un erensia entre e nuebe tribunan i e mitar tribu di Manases."

⁸Huntu ku e otro mitar tribu e rubenitanan i e gaditanan a risibi nan erensia ku Moises a duna nan na e otro banda di Jordan bai pariba, manera Moises, e sirbido di SENOR, a duna nan;

⁹for di Aroer, ku ta keda na rant di e vaye di Arnon, ku e stat ku ta keda meimei di e vaye, i henter e sabana di Medeba, te na Dibon;

¹⁰i tur e statnan di Sehon, rei di e amoreonan, kende tabata reina na Hesbon, te na e frontera di e yu hombernan di Amon;

¹¹i Galaad i e teritorio di e gesuritanan i maakatitanan i henter Seru Hermon, i henter Basan te na Salka;

¹²henter e reino di Og na Basan, kende tabata reina na Astarot i na Edrei, kende a keda di e restante di e refaitanan; pasobra Moises a derota nan i a kore ku nan.

¹³Ma e yunan di Israel no a kore ku e gesuritanan ni e maakatitanan, asina ku Gesur i Maaka ta biba meimei di Israel te dia djawe.

¹⁴Solamente e tribu di Levi e no a duna un erensia; e ofrendanan di kandela na SENOR, e Dios di Israel, ta nan erensia, manera El a bisa nan.

¹⁵Asina Moises a duna un erensia na e tribu di e yu hombernan di Ruben segun nan famianan.

¹⁶I nan teritorio tabata for di Aroer, ku ta keda na rant di e vaye di Arnon, huntu ku e stat ku ta keda meimei di e vaye, i henter e sabana pega ku Medeba;

¹⁷Hesbon i tur su statnan ku ta keda den sabana: Dibon, Bamot-baal i Bet-baal-meon,

¹⁸i Jahaza, Kademot i Mefaat,

¹⁹i Kiriataim, Sibma i Zaret-sahar riba e seru di e vaye,

²⁰i Bet-peor i e bahadanan di Pisga i Bet-jesimot,

²¹tambe tur e statnan di e sabana i henter e reino di Sehon, rei di e amoreonan, kende tabata reina na Hesbon, kende Moises a derota huntu ku e hefenan di Madian, Evi, Rekem i Zur, Hur i Reba, e prensnan di Sehon ku tabata biba den e tera.

²²E yunan di Israel a mata tambe Balaam, yu homber di Beor, e adivinado, ku spada, huntu ku tur e otronan ku nan a mata.

²³I e frontera di e yu hombernan di Ruben tabata Jordan. Esaki tabata e erensia di e yu hombernan di Ruben segun nan famianan, e statnan ku nan pueblitonan.

²⁴Tambe Moises a duna un erensia na e tribu di Gad, na e yu hombernan di Gad, segun nan famianan.

²⁵I nan teritorio tabata Jazer, i tur e statnan di Galaad, i mitar di e tera di e yu hombernan di Amon, te na Aroer ku ta keda dilanti di Raba;

²⁶i for di Hesbon te na Ramat-mizpa i Betonim, i for di Mahanaim te na e frontera di Debir;

²⁷i den e vaye, Bet-aram i Bet-nimra i Sukot i Zafon, e restu di e reino di Sehon, rei di Hesbon, ku Jordan komo frontera, te na final di e laman di Kineret na e otro banda di Jordan bai pariba.

²⁸Esaki ta e erensia di e yu hombernan di Gad segun nan famianan, e statnan ku nan pueblitonan.

²⁹Tambe Moises a duna un erensia na e mitar tribu di Manases; i esaki tabata pa e mitar tribu di e yu hombernan di Manases segun nan famianan.

³⁰I nan teritorio tabata for di Mahanaim, henter Basan, henter e reino di Og, rei di Basan, i tur e statnan di Jair, kualnan ta keda na Basan, sesenta stat;

³¹tambe mitar di Galaad, ku Astarot i Edrei, e statnan di e reino di Og na Basan, tabata pa e yu hombernan di Makir, yu homber di Manases, pa mitar di e yu hombernan di Makir segun nan famianan.

³²Esakinan ta e teritorionan ku Moises a parti komo erensia den e sabananan di Moab, na e otro banda di Jordan, pega ku Jeriko bai pariba.

³³Ma na e tribu di Levi, Moises no a duna erensia; SENOR, e Dios di Israel, ta nan erensia, manera El a priminti nan.