Read Papantla Totonac Josue 15 Bible Online

Josue 15 - Papantla Totonac bible

Josue 15

¹Awor e lot pa e tribu di e yu hombernan di Juda, segun nan famianan, a yega te na e frontera di Edom, bai suit na e desierto di Zin, ku ta keda na e parti di mas pasuit.

²I nan frontera pasuit tabata for di e punta mas abou di Laman Salu, for di e bahia ku ta bira bai suit.

³E ora ei e tabata pasa bai suit te na e subida di Akrabim, sigui pa Zin. Despues e tabata subi pasa pasuit di Kades-barnea, sigui pa Hezron, i tabata subi bai Adar, i bira bai Karka.

⁴I e tabata sigui pa Asmon, i pasa bai te na e roi di Egipto; i e frontera tabata kaba na laman. Esaki lo ta boso frontera pasuit.

⁵I e frontera pariba tabata Laman Salu, te na boka di Jordan. I e frontera panort tabata for di e bahia di laman, na boka di Jordan.

⁶E ora ei e frontera tabata subi bai Bet-hogla, sigui parti panort di Bet-araba, i e frontera tabata subi bai na e piedra di Bohan, yu homber di Ruben.

⁷I e frontera tabata subi bai Debir for di e vaye di Akor, i bira bai nort den direkshon di Gilgal ku ta keda enfrente di e subida di Adumin, ku ta keda parti pasuit di e vaye; i e frontera tabata sigui bai na e awanan di En-semes i e tabata kaba na En-rogel.

⁸E ora ei e frontera tabata pasa den e vaye di Ben-hinom bai na e bahada di e jebuseo parti pasuit (esta, Jerusalem); i e frontera tabata subi bai na kabes di e seru ku ta keda dilanti di e vaye di Hinom bai pabou, ku ta keda na final di e vaye di Refaim den direkshon nort.

⁹I for di kabes di e seru e frontera tabata lora bai na e fuente di e awanan di Neftoa, i pasa bai te na e statnan di Seru Efron. Anto e frontera tabata lora bai Baala (esta, Kiriat-jearim).

¹⁰I e frontera tabata bira bai for di Baala bai pabou na Seru Seir i tabata sigui bai na e bahada di Seru Jearim parti panort (esta, Kesalon), i e tabata baha bai Bet-semes, i sigui dor di Timna.

¹¹I e frontera tabata pasa banda di Ekron bai nort. Anto e frontera tabata lora bai Sikron, i tabata sigui pa Seru Baala, i pasa bai Jabneel, i e frontera tabata kaba na laman.

¹²I e frontera di pabou tabata keda na Laman Grandi i su kosta. Esaki ta e frontera ront di e yu hombernan di Juda segun nan famianan.

¹³Awor el a duna Kaleb, yu homber di Jefone, un parti meimei di e yu hombernan di Juda, konforme e ordu di SENOR na Josue, esta, Kiriat-arba; Arba tabata tata di Anak (esta, Hebron).

¹⁴I Kaleb a kore ku e tres yu hombernan di Anak for di ayanan: Sesai, Ahiman i Talmai, e yu hombernan di Anak.

¹⁵Despues el a subi bai for di ayanan kontra e habitantenan di Debir; awor antes nomber di Debir tabata Kiriat-sefer.

¹⁶I Kaleb a bisa: "Esun ku ataka Kiriat-sefer i kaptur'e, esei lo mi duna mi yu muhe Aksa komo esposa."

¹⁷I Otoniel, yu homber di Kenaz, ruman di Kaleb, a kaptur'e; asina el a dun'e su yu muhe Aksa komo esposa.

¹⁸I a sosode ku ora Aksa a bin serka dje, el a konvens'e pa pidi su tata un kunuku. Asina Aksa a baha for di su buriku, i Kaleb a bis'e: "Kiko bo kier?"

¹⁹E ora ei Aksa a bisa: "Dunami un bendishon; unabes ku bo a dunami tera di Negev, dunami tambe fuentenan di awa." Asina el a dun'e e fuentenan ariba i e fuentenan abou.

²⁰Esaki ta e erensia di e tribu di e yu hombernan di Juda segun nan famianan.

²¹Awor e statnan di e tribu di e yu hombernan di Juda, kualnan ta keda na e parti mas aleha den direkshon di e frontera di Edom den suit, tabata: Kabseel, Edar i Jagur,

²²Kina, Dimona, Adada,

²³Kedes, Hazor, Itnan,

²⁴Zif, Telem, Bealot,

²⁵Hazor-hadata, Keriot-hezron (esta, Hazor)

²⁶Amam, Sema, Molada,

²⁷Hazar-gada, Hesmon, Bet-pelet,

²⁸Hazar-sual, Beerseba, Bizotia,

²⁹Baala, Iim, Esem,

³⁰Eltolad, Kesil, Horma,

³¹Siklag, Madmana, Sansana,

³²Lebaot, Silhim, Ain i Rimon; na tur, bint'i nuebe stat ku nan pueblitonan.

³³Den e sabananan: Estaol, Zora, Asena,

³⁴Zanoa, En-ganim, Tapua, Enam,

³⁵Jarmut, Adulam, Soko, Azeka,

³⁶Saaraim, Aditaim, Gedera i Gederotaim; dieskuater stat ku nan pueblitonan.

³⁷Zenan, Hadasa, Migdal-gad,

³⁸Dilean, Mizpa, Jokteel,

³⁹Lakis, Bozkat, Eglon,

⁴⁰Kabon, Lahmas, Kitlis,

⁴¹Gederot, Bet-dagon, Naama i Makeda; dieseis stat ku nan pueblitonan.

⁴²Libna, Eter, Asan,

⁴³Jifta, Asena, Nezib,

⁴⁴Keila, Akzib i Maresa; nuebe stat ku nan pueblitonan.

⁴⁵Ekron, ku su statnan i ku su pueblitonan;

⁴⁶for di Ekron te na laman, tur loke tabata banda di Asdod, ku nan pueblitonan.

⁴⁷Asdod, su statnan i su pueblitonan; Gaza, su statnan i su pueblitonan; te na roi di Egipto i Laman Grandi, ku su kosta.

⁴⁸I den e serunan: Samir, Jatir, Soko,

⁴⁹Dana, Kiriat-sana (esta, Debir),

⁵⁰Anab, Estemoa, Anim,

⁵¹Gosen, Holon i Gilo; diesun stat ku nan pueblitonan.

⁵²Arab, Duma, Esan,

⁵³Janum, Bet-tapua, Afeka,

⁵⁴Humta, Kiriat-arba (esta, Hebron), i Sior; nuebe stat ku nan pueblitonan.

⁵⁵Maon, Karmel, Zif, Juta,

⁵⁶Jezreel, Jokdeam, Zanoa,

⁵⁷Kain, Gabaa, i Timna; dies stat ku nan pueblitonan.

⁵⁸Halhul, Bet-sur, Gedor,

⁵⁹Maarat, Bet-anot, i Eltekon; seis stat ku nan pueblitonan.

⁶⁰Kiriat-baal (esta, Kiriat-jearim) i Raba; dos stat ku nan pueblitonan.

⁶¹Den desierto: Bet-araba, Midin, Sekaka,

⁶²Nibsan, e Stat di Salu i En-gadi; seis stat ku nan pueblitonan.

⁶³Awor pa loke ta e jebuseonan, e habitantenan di Jerusalem, e yu hombernan di Juda no por a kore ku nan; asina e jebuseonan ta biba huntu ku e yu hombernan di Juda na Jerusalem te dia djawe.