Read Papantla Totonac Josue 16 Bible Online

Josue 16 - Papantla Totonac bible

Josue 16

¹Anto e lot ku a toka e yu hombernan di Jose tabata kuminsa for di Jordan na Jeriko yega te na e awanan di Jeriko parti pariba bai den desierto, subiendo for di Jeriko dor di e serunan bai Bet-el.

²I for di Bet-el e tabata sigui bai Luz, i tabata sigui bai na e frontera di e arkitanan na Atarot.

³I e tabata baha bai pabou na e teritorio di e jafletitanan, te na e teritorio di Bet-horon-abou te na Gezer, i e tabata kaba na laman.

⁴I e yu hombernan di Jose, Manases i Efrain, a risibi nan erensia.

⁵Awor esaki tabata e teritorio di e yu hombernan di Efrain segun nan famianan: E frontera di nan erensia bai pariba tabata Atarot-adar, te na Bet-horon-ariba.

⁶Anto na Mikmetat, parti panort, e frontera tabata bai pabou, i e frontera tabata bira bai pariba te na Tanaat-silo, i sigui bai pariba di Janoa.

⁷I e tabata baha for di Janoa bai Atarot i Naarat, despues tabata yega Jeriko i tabata sali na Jordan.

⁸For di Tapua e frontera tabata sigui pabou bai na e roi di Kana, i e tabata kaba na laman. Esaki ta e erensia di e tribu di e yu hombernan di Efrain segun nan famianan,

⁹huntu ku e statnan ku a wordu aparta pa e yu hombernan di Efrain meimei di e erensia di e yu hombernan di Manases, tur e statnan ku nan pueblitonan.

¹⁰Ma nan no a kore ku e kananeonan ku tabata biba na Gezer, asina ku e kananeonan ta biba meimei di Efrain te dia djawe, i nan a bira trahado di trabou forsa.