Read Papantla Totonac Josue 19 Bible Online

Josue 19 - Papantla Totonac bible

Josue 19

¹E ora ei e di dos lot a toka Simeon pa e tribu di e yu hombernan di Simeon segun nan famianan, i nan erensia tabata meimei di e erensia di e yu hombernan di Juda.

²Asina nan tabatin komo nan erensia: Beerseba, Seba i Molada,

³Hazar-sual, Bala, Esem,

⁴Eltolad, Betul, Horma,

⁵Siklag, Bet-markabot, Hazar-susa,

⁶Bet-lebaot i Saruhen; diestres stat ku nan pueblitonan;

⁷Ain, Rimon, Eter i Asan, kuater stat ku nan pueblitonan;

⁸ku tur e pueblitonan ku tabatin ront di e statnan aki te na Baalat-beer, Ramat di Negev. Esaki tabata e erensia di e tribu di e yu hombernan di Simeon segun nan famianan.

⁹E erensia di e yu hombernan di Simeon a wordu kita for di e porshon di e yu hombernan di Juda, pasobra e parti di e yu hombernan di Juda tabata muchu grandi pa nan; asina e yu hombernan di Simeon a risibi un erensia meimei di Juda su erensia.

¹⁰Awor e di tres lot a sali pa e yu hombernan di Zabulon segun nan famianan. I e teritorio di nan erensia tabata yega te na Sarid.

¹¹E ora ei nan frontera tabata subi bai pabou i na Marala, anto tabata yega te na Dabeset, i tabata yega te na e roi ku ta keda dilanti di Jokneam.

¹²Anto for di Sarid e tabata bira bai pariba den direkshon di kaminda solo ta sali te na e frontera di Kislot-tabor, i tabata pasa bai Daberat, subi bai Jafia.

¹³I for di ayanan e tabata sigui bai pariba den direkshon di kaminda solo ta sali, bai Gat-hefer, bai Ita-kazin, i e tabata pasa bai Rimon ku ta ekstende su mes den direkshon di Nea.

¹⁴I e frontera tabata lora pasa ront di dje parti panort bai Hanaton, i e tabata kaba na e vaye di Jefte-el.

¹⁵Katat, Naalal, Simron, Idala i Betlehem tambe a wordu inklui; diesdos stat ku nan pueblitonan.

¹⁶Esaki tabata e erensia di e yu hombernan di Zabulon segun nan famianan, e statnan aki ku nan pueblitonan.

¹⁷E di kuater lot tabata toka Isakar, e yu hombernan di Isakar segun nan famianan.

¹⁸I nan teritorio tabata inklui: Jezreel, Kesulot i Sunem,

¹⁹Hafaraim, Sihon, Anaharat,

²⁰Rabit, Kision, Abez,

²¹Remet, En-ganim, En-hada i Bet-pases.

²²I e frontera tabata yega te na Tabor, Sahazima i Bet-semes, i nan frontera tabata kaba na Jordan; dieseis stat ku nan pueblitonan.

²³Esaki tabata e erensia di e tribu di e yu hombernan di Isakar segun nan famianan, e statnan ku nan pueblitonan.

²⁴Awor e di sinku lot tabata toka e tribu di e yu hombernan di Aser segun nan famianan.

²⁵I nan teritorio tabata: Helkat, Hall, Beten i Aksaf,

²⁶Alamelek, Amad i Miseal; i parti pabou e tabata yega te na Karmelo i Sihor-libnat.

²⁷I e tabata bira bai pariba den direkshon di Bet-dagon i yega te na Zabulon, i e vaye di Jefte-el bai nort te na Bet-emek i Nehiel; anto panort e tabata pasa bai Kabul,

²⁸i Hebron, Rehob, Ramon i Kana, te na Sidon Grandi.

²⁹I e frontera tabata bira bai na Rama i na e stat fortifika di Tiro; despues e frontera tabata bira bai Hosa i e tabata kaba na laman, pega ku e region di Akzib.

³⁰Uma, Afek i Rehob tambe a wordu inklui; bint'i dos stat ku nan pueblitonan.

³¹Esaki tabata e erensia di e tribu di e yu hombernan di Aser segun nan famianan, e statnan aki ku nan pueblitonan.

³²E di seis lot tabata toka e yu hombernan di Neftali; e yu hombernan di Neftali segun nan famianan.

³³I nan frontera tabata for di Helef, for di e palu di eik na Saananim i Adami-nekeb i Jabneel, te na Lakum, i e tabata kaba na Jordan.

³⁴E ora ei e frontera tabata bira bai pabou te na Aznot-tabor, pasa for di ayanan bai Hukok; i parti pasuit e tabata yega te na Zabulon, i parti pabou e tabata yega te na Aser, i na Juda na Jordan den direkshon pariba.

³⁵I e statnan fortifika tabata Sidim, Zer i Hamat, Rakat i Kineret,

³⁶Adama, Rama, Hazor,

³⁷Kedes, Edrei, En-hazor,

³⁸Iron, Migdal-el, Horem, Bet-anat i Bet-semes; diesnuebe stat ku nan pueblitonan.

³⁹Esaki tabata e erensia di e tribu di e yu hombernan di Neftali segun nan famianan, e statnan ku nan pueblitonan.

⁴⁰E di shete lot tabata toka e tribu di e yu hombernan di Dan segun nan famianan.

⁴¹I e teritorio di nan erensia tabata: Zora i Estaol i Ir-semes,

⁴²Saalabin, Ajalon, Jetla,

⁴³Elon, Timnat, Ekron,

⁴⁴Elteke, Gibeton, Baalat,

⁴⁵Jehud, Bene-berak, Gat-rimon,

⁴⁶Mejarkon i Rakon, ku e teritorio enfrente di Jafo.

⁴⁷I e teritorio di e yu hombernan di Dan tabata pasa bai mas leu ku esakinan; pasobra e yu hombernan di Dan a bai i a bringa kontra Lesem i a kaptur'e. E ora ei nan a dal e ku filo di spada i a podera di dje i a bai biba den dje; i nan a duna Lesem e nomber Dan, na nomber di nan tata Dan.

⁴⁸Esaki tabata e erensia di e tribu di e yu hombernan di Dan segun nan famianan, e statnan aki ku nan pueblitonan.

⁴⁹Ora nan a kaba di parti e tera pa erensia segun su fronteranan, e yunan di Israel a duna Josue, yu homber di Nun, un erensia meimei di nan.

⁵⁰Konforme e ordu di SENOR nan a dun'e e stat ku el a pidi, Timnat-sera den e serunan di Efrain. Asina el a traha e stat i a bai biba den dje.

⁵¹Esakinan ta e erensianan ku saserdote Eleazar i Josue, yu homber di Nun, i e kabesnan di e kasnan di e tribunan di e yunan di Israel a parti pa medio di lot na Silo dilanti di SENOR, na entrada di e tent di reunion. Asina nan a kaba di parti e tera.