Read Papantla Totonac 1 Timoteo 3 Bible Online

1 Timoteo 3 - Papantla Totonac bible

1 Timoteo 3

¹Esaki ta un palabra fiel: si un homber aspira na e puesto di ansiano, ta un bon trabou e ta desea di hasi.

²Un ansiano anto mester ta sin reproche, esposo di un esposa, modera, prudente, respetabel, un hende ku ta gusta duna posada, ku kapasidat pa sina hende,

³no bisia na bina, no violento, sino amabel, no pleitado, liber di amor pa plaka.

⁴E mester ta un hende ku ta maneha su mes kas bon, ku ta tene su yunan bou di kontrol ku tur dignidat

⁵(ma si un hende no sa di maneha su mes kas, kon e lo por kuida e iglesia di Dios?);

⁶no un resien komberti, pa e no bira orguyoso i kai den e mesun kondenashon ku diabel a kai aden.

⁷I e mester tin un bon reputashon serka esnan pafo di iglesia, pa e no kai den reproche i den e trampa di diabel.

⁸Diakononan tambe mester ta hombernan digno, kendenan no ta papia ku dos lenga, ni ta bisia na hopi bina, ni ta golos pa plaka,

⁹kendenan ta warda e misterio di fe ku un konsenshi limpi.

¹⁰I laga esakinan tambe wordu proba prome; e ora ei, laga nan sirbi komo diakono, si nan ta sin reproche.

¹¹Di e mesun manera, muhenan mester ta digno, no kalumniado, sino modera, fiel den tur kos.

¹²Laga diakononan ta esposo di un esposa so, kendenan sa di maneha nan yunan i nan mes kas.

¹³Pasobra esnan ku a sirbi bon komo diakono ta optene pa nan mes un grado di onor i hopi konfiansa den e fe ku ta den Cristo Jesus.

¹⁴Mi ta skirbibo e kosnan aki, sperando di bin pronto serka bo;

¹⁵ma si akaso mi tarda, mi ta skirbi pa bo sa kon bo mester komporta bo mes den e kas di Dios, ku ta e iglesia di e Dios bibu, e pilar i sosten di e berdat.

¹⁶I indiskutiblemente e misterio di santidat ta grandi: Dios a wordu manifesta den karni, a wordu hustifika den e Spiritu, a wordu mira dor di angelnan, a wordu predika entre e paganonan, mundu a kere den djé, i El a wordu risibi ariba den gloria.