Read Papantla Totonac 2 Timoteo 1 Bible Online

2 Timoteo 1 - Papantla Totonac bible

2 Timoteo 1

¹Pablo, un apostel di Cristo Jesus pa e boluntat di Dios, segun e promesa di bida den Cristo Jesus,

²Na Timoteo, mi yu stima: Grasia, miserikordia i pas di Dios Tata i Cristo Jesus nos Senor.

³Mi ta gradisi Dios, Kende mi ta sirbi ku un konsenshi limpi manera mi antepasadonan a hasi, ora ku konstantemente mi ta korda riba bo den mi orashonnan anochi i di dia.

⁴Ora mi korda riba bo lagrimanan mi ta anhela pa mirabo, pa mi wordu yena ku goso,

⁵ora mi trese na memoria e fe sinsero ku ta den bo, ku prome tabata biba den bo wela Loida, i den bo mama Eunise, i mi tin sigur ku ta den bo tambe.

⁶I pa e motibu aki mi ta rekordabo pa sende di nobo e don di Dios, kual ta den bo dor di e ponementu di mi man.

⁷Pasobra Dios no a duna nos un spiritu di temor, sino di poder i di amor i di sano huisio.

⁸Pesei, no tene berguensa di e testimonio di nos Senor, ni di mi, Su prezo; ma uni huntu ku mi den sufrimentu pa e evangelio segun e poder di Dios,

⁹Kende a salba nos i a yama nos ku un yamada santu, no konforme nos obranan, ma konforme Su mes proposito i grasia ku a wordu duna na nos den Cristo Jesus for di tur eternidat,

¹⁰ma ku awor a wordu revela pa medio di e aparishon di nos Salbador Cristo Jesus, Kende a aboli morto, i a trese bida i inmortalidat na kla pa medio di e evangelio,

¹¹pa kual mi a wordu nombra komo predikado i apostel i sinado.

¹²Pa e motibu aki mi ta sufri e kosnan aki tambe, ma mi no tin berguensa; pasobra mi sa ta den Ken mi a kere i mi ta konvensi ku E ta kapas pa warda loke mi a konfia na djé te na e dia ei.

¹³Retene e ehempel di palabranan sano ku bo a tende for di mi, den e fe i amor, kualnan ta den Cristo Jesus.

¹⁴Warda e tesoro ku a wordu konfia na bo--ward'e ku yudansa di Spiritu Santu, Kende ta biba den nos.

¹⁵Bo ta konsiente di e echo ku tur esnan ku ta na Asia a bira bai for di mi, entre otro Figelo i Hermogenes.

¹⁶Senor tene miserikordia di e hendenan di e kas di Onesiforo, pasobra hopi biaha el a refreskami i no tabatin berguensa di mi kadenanan;

¹⁷ma ora ku e tabata na Roma, el a buskami ansiosamente i a hanami

¹⁸--ku Senor lagu'e hana miserikordia di Senor riba e dia ei—i bo sa masha bon kon el a yudami na Efeso.