Read Papantla Totonac 2 Timoteo 3 Bible Online

2 Timoteo 3 - Papantla Totonac bible

2 Timoteo 3

¹Ma sabi esaki, ku den e ultimo dianan tempunan trabahoso lo bin.

²Pasobra hende lo ta stimado di nan mes, stimado di plaka, gabado, arogante, blasfemado, desobedesido na mayornan, ingrato, impio,

³sin amor, irekonsiliabel, ku mala lenga, sin dominio propio, grosero, odiado di loke ta bon,

⁴traido, imprudente, soberbe, mas bien stimado di plaser ku stimado di Dios;

⁵ku tin aparensia di ta religioso berde, ma ku ta nenga su poder; evita e sorto di hendenan aki.

⁶Pasobra entre nan tin esnan ku ta drenta den kas di famia i ta hiba komo katibu muhenan debil, karga di pika, lastra pa varios mal deseonan,

⁷semper sinando i nunka kapas pa yega na konosementu di e berdat.

⁸I meskos ku Janes i Jambres a opone Moises, asina e hombernan aki tambe ta opone e berdat, hombernan ku mente korupto, rechasa enkuanto e fe.

⁹Ma nan lo no hasi mas progreso, pasobra nan lokura lo bira bisto pa tur hende, meskos ku esun di e dosnan aya tambe a bira bisto pa tur hende.

¹⁰Ma abo a sigui mi sinansa, kondukta, proposito, fe, pasenshi, amor, perseveransia,

¹¹persekushonnan, sufrimentunan, manera a sosode ku mi na Antiokia, na Ikonio i na Listra, kual persekushonnan mi a soporta, i for di nan tur Senor a librami!

¹²I di berdat, tur hende ku ta desea di hiba un bida santu den Cristo Jesus lo wordu persigui.

¹³Ma hendenan malbado i ganadonan lo bai di malu pa peor, ganando i siendo gana.

¹⁴Abo, sinembargo, kontinua den e kosnan ku bo a sina i a keda konvensi di dje, sabiendo di ken bo a sina nan;

¹⁵i ku for di infansia bo a konose e skrituranan santu, kualnan por dunabo e sabiduria ku ta hiba na salbashon pa medio di fe, ku ta den Cristo Jesus.

¹⁶Tur Skritura ta inspira pa Dios i ta util pa sinansa, pa reprendementu, pa korekshon, pa eduka den hustisia,

¹⁷pa e hende di Dios por ta perfekto, ekipa pa tur bon obra.