Read Papantla Totonac Tito 2 Bible Online

Tito 2 - Papantla Totonac bible

Tito 2

¹Ma pa loke ta boso, papia e kosnan ku ta pas pa doktrina sano.

²Hombernan di edat mester ta modera, digno, huisioso, sano den fe, den amor, den perseveransia.

³Di e mesun manera, muhenan di edat mester ta reverente den nan komportashon, no kalumniado, ni sklabisa na bina, sinando loke ta bon,

⁴pa nan enkurasha e muhenan hoben pa stima nan esposo, pa stima nan yunan,

⁵pa ta huisioso, puru, bon ama di kas, karinoso, siendo sumiso na nan mes esposo, pa e palabra di Dios no wordu desonra.

⁶Di e mesun manera eksorta e hombernan hoben pa ta huisioso;

⁷den tur kos presenta bo mes komo un ehempel den bon obra, ku puresa den doktrina, ku dignidat,

⁸ku palabra sano ku no por wordu kondena, pa e oponente wordu brongosa sin ku e tin nada malu di bisa di nos.

⁹Eksorta esklabunan pa ta sumiso na nan mes shon den tur kos, pa ta komplasiente, pa no pusta boka,

¹⁰pa no horta nan shon den nada, ma pa mustra tur buena fe, pa nan por dorna e doktrina di Dios nos Salbador den tur kos.

¹¹Pasobra e grasia di Dios a parese, tresiendo salbashon na tur hende,

¹²sinando nos pa renunsia impiedat i deseonan mundano i pa biba huisioso, hustu i santu den e siglo presente,

¹³wardando riba e speransa bendishona i e aparishon di e gloria di nos gran Dios i Salbador, Cristo Jesus,

¹⁴Kende a duna Su mes pa nos, pa E por redimi nos di tur inikidat i purifika pa Su mes un pueblo pekuliar, ku zelo den hasimentu di bon obra.

¹⁵Papia e kosnan aki, i eksorta i reprende ku tur outoridat. No laga ningun hende despresiabo.