Read Papantla Totonac Tito 3 Bible Online

Tito 3 - Papantla Totonac bible

Tito 3

¹Rekorda nan pa ta sumiso na gobernantenan i na outoridatnan, pa ta obedesido, i dispuesto pa hasi tur bon obra,

²pa no kalumnia ningun hende, pa no ta pleitado, ma suave, mustrando tur konsiderashon pa tur hende.

³Pasobra nos mes tambe un tempu tabata ignorante, desobedesido, gana, sklabisa na varios pashon i plaser, bibando den malisia i envidia, odioso i odiando otro.

⁴Ma ora ku e karino di Dios nos Salbador i Su amor pa humanidat a parese,

⁵El a salba nos, no a base di obranan ku nos a hasi den hustisia, ma segun Su miserikordia, pa medio di e labamentu di regenerashon i renobashon pa medio di Spiritu Santu,

⁶Kende El a basha rikamente riba nos pa medio di Jesu-Cristo nos Salbador,

⁷pa nos, siendo hustifika pa medio di Su grasia, por wordu hasi erederonan segun e speransa di bida eterno.

⁸Esaki ta un palabra fiel; i e kosnan aki mi kier pa bo konfirma konstantemente, pa esnan ku a kere den Dios perkura di hasi bon obranan. E kosnan aki ta bon i di probecho pa hende.

⁹Ma evita kontroversianan bobo i genealogianan i pleitu i diskushonnan tokante di Lei; pasobra nan ta sin probecho i no ta bal nada.

¹⁰Rechasa un hende ku ta kousa divishon despues di un prome i un di dos spiertamentu,

¹¹sabiendo ku un hende asina ta perverso i ta hasi pika, i ta kondena su mes.

¹²Ora mi manda Artemas of Tikiko serka bo, hasi tur esfuerso pa bin serka mi na Nikopolis, pasobra mi a disidi di pasa wenter einan.

¹³Yuda abogado Zenas i Apolo ku diligensia pa sigui nan kaminda, pa nan no tin falta di nada.

¹⁴I laga nos hendenan tambe sina di hasi bon obra den kasonan di nesesidat, pa nan no keda sin duna fruta.

¹⁵Tur esnan ku ta huntu ku mi ta saludabo. Saluda esnan ku ta stima nos den fe. Grasia sea ku boso tur. Amen.