Read Papantla Totonac Hebreonan 1 Bible Online

Hebreonan 1 - Papantla Totonac bible

Hebreonan 1

¹Dios, despues ku El a papia hopi tempu pasa ku e tatanan pa medio di e profetanan, na hopi okashon i na varios manera,

²den e ultimo dianan aki a papia ku nos pa medio di Su Yu, Kende El a nombra komo eredero di tur kos, pa medio di Kende tambe El a traha mundu.

³I E ta e resplandor di Su gloria i e representashon eksakto di Su naturalesa, i ta sostene tur kos pa medio di e palabra di Su poder. Despues ku El a hasi purifikashon pa pikanan, El a sinta na man drechi di e Mahestat den halturanan,

⁴ya ku El a bira muchu mas superior ku e angelnan, komo ku El a ereda un nomber mas ekselente ku nan.

⁵Pasobra na kual di e angelnan El a yega di bisa: "Bo ta Mi Yu, awe Mi a engendraBo"? I atrobe: "Lo Mi ta un Tata p'E, i E lo ta un Yu pa Mi"?

⁶I ora ku E trese e primogenito atrobe den mundu, E ta bisa: "I laga tur e angelnan di Dios ador'E."

⁷I di e angelnan E ta bisa: "Kende ta hasi Su angelnan bientu, i Su sirbidonan flam di kandela."

⁸Ma di e Yu E ta bisa: "Bo trono, O Dios, ta pa semper i semper, i e septer di hustisia ta e septer di Bo reino.

⁹Bo a stima hustisia i a odia maldat; pesei Dios, Bo Dios, a ungiBo ku e zeta di alegria mas ku Bo kompaneronan."

¹⁰Tambe: "Abo, SENOR, den prinsipio a pone e fundeshi di tera, i e shelunan ta e obranan di Bo mannan;

¹¹nan lo perese, ma Abo ta keda; i nan tur lo bira bieu manera un bisti,

¹²i manera un mantel lo Bo lora nan; manera un bisti nan lo wordu kambia tambe, ma Abo ta keda meskos, i Bo ananan lo no tin fin."

¹³Ma na kual di e angelnan El a yega di bisa: "Sinta na Mi man drechi, te ora Mi hasi Bo enemigunan un banki pa Bo pianan"?

¹⁴Nan tur no ta spiritunan ku ta sirbi, manda pa sirbi esnan ku lo ereda salbashon?