Read Papantla Totonac Hebreonan 7 Bible Online

Hebreonan 7 - Papantla Totonac bible

Hebreonan 7

¹Pasobra e Melkisedek aki, rei di Salem, saserdote di e Dios Haltisimo, kende a sali kontra ku Abraham ora ku esaki tabata bolbe di e derota di e reinan i a bendishon'e,

²na kende Abraham a duna tambe un desimo parti di tur e botin, tabata primeramente, segun e tradukshon di su nomber "rei di hustisia," i tambe rei di Salem, loke ta nifika "rei di pas."

³Sin tata, sin mama, sin genealogia, sin prinsipio di dianan of fin di bida, ma hasi manera e Yu di Dios, e ta keda saserdote pa semper.

⁴Awor konsidera kon grandi e homber aki tabata, na kende Abraham, e patriarka, a duna un desimo di e miho di e botin.

⁵I di berdat, esnan di e yunan di Levi, kendenan ta risibi e saserdosio, tin mandamentu segun e Lei pa tuma e diesmonan for di e pueblo, esta, for di nan rumannan, ounke esakinan ta desendiente di Abraham.

⁶Ma esun ku su genealogia no ta konta den nan a tuma e diesmonan for di Abraham i a bendishona esun ku tabatin e promesanan.

⁷Ma sin ningun diskushon esun ku ta menos ta wordu bendishona dor di esun ku ta mas grandi.

⁸I den e kaso aki hende mortal ta risibi diesmonan, ma den e kaso ei un hende ta risibi esakinan, di kende testimonio ta wordu duna, ku e ta sigui biba.

⁹I por bisa ku dor di Abraham asta Levi, kende tabata risibi diesmonan, a paga diesmo,

¹⁰pasobra ainda e tabata den lomo di su tata tempu ku Melkisedek a kontra kune.

¹¹Awor, si perfekshon tabata bin dor di e saserdosio levitiko (pasobra a base di esaki e pueblo a risibi e Lei), ki nesesidat mas tabatin pa un otro saserdote lanta segun e ordu di Melkisedek, i no yama segun e ordu di Aaron?

¹²Pasobra ora ku e saserdosio wordu kambia, ta nesesario pa un kambio di lei tambe tuma luga.

¹³Pasobra esun di kende e kosnan aki ta wordu bisa ta pertenese na un otro tribu, for di kual ningun hende no a sirbi na altar.

¹⁴Pasobra ta evidente ku nos Senor tabata desendiente di Juda, i enkuanto e tribu ei Moises no a papia nada-nada tokante di saserdotenan.

¹⁵I esaki ta mas kla ainda, si un otro saserdote lanta segun e semehansa di Melkisedek,

¹⁶kende a bira saserdote, no a base di e lei di un mandamentu relashona ku desendensia, ma segun e poder di un bida indestruktibel.

¹⁷Pasobra testimonio ta wordu duna di djé: "Bo ta un Saserdote pa semper segun e ordu di Melkisedek."

¹⁸Pasobra, di un banda, e prome mandamentu ta wordu anula, pa motibu di su debilidat i inutilidat,

¹⁹(pasobra Lei no a hasi nada bira perfekto) i di otro banda un miho speransa ta wordu introdusi, pa medio di kual nos ta hala serka Dios.

²⁰I esaki no a wordu hasi sin un huramentu

²¹(pasobra di berdat nan a bira saserdote sin un huramentu, ma E ku un huramentu pa medio di Esun ku a bis'E: "SENOR a hura, i lo no repenti: 'Bo ta un saserdote pa semper'");

²²pesei muchu mas tambe Jesus a bira e garantia pa un miho aliansa.

²³I di un banda e otro saserdotenan tabata eksisti na kantidatnan mas grandi, pasobra dor di morto nan tabata wordu stroba di kontinua,

²⁴ma di otro banda E, pasobra E ta biba pa semper, ta keda ku Su saserdosio permanentemente.

²⁵Pesei tambe E por salba pa semper esnan ku ta hala serka Dios pa medio di djé, komo ku semper E ta biba pa intersede pa nan.

²⁶Pasobra tabata kumbini pa nos tin un sumosaserdote asina, santu, inosente, sin mancha, separa for di pekadonan i halsa riba e shelunan;

²⁷Kende no tin mester di trese sakrifisionan tur dia, manera e sumosaserdotenan ei, prome pa Su mes pikanan i despues pa e pikanan di e pueblo, pasobra esaki El a hasi un biaha pa semper, ora ku El a sakrifika Su mes.

²⁸Pasobra Lei ta nombra hombernan komo sumosaserdote, kendenan ta debil, ma e palabra di huramentu, ku a bin despues di Lei, ta nombra un Yu, Kende a wordu hasi perfekto pa semper.