Read Papantla Totonac Santiago 2 Bible Online

Santiago 2 - Papantla Totonac bible

Santiago 2

¹Mi rumannan, no laga boso fe den nos glorioso Senor Jesu-Cristo ta ku un aktitut di distinshon di persona.

²Pasobra si un hende drenta den boso asamblea bon bisti i ku renchi di oro na dede, i ta drenta tambe un hende pober bisti ku pana sushi,

³i boso ta paga atenshon spesial na esun ku ta bon bisti i ta bisa: "Abo sinta akinan na un bon luga," i boso ta bisa e hende pober: "Abo bai para ayanan, of bai sinta banda di e banki pa mi pianan,"

⁴boso no a hasi distinshon entre boso mes, i a bira huesnan ku mal pensamentu?

⁵Skucha, mi rumannan stima: Dios no a skohe e pobernan di e mundu aki pa ta riku den fe i pa ta erederonan di e reino ku El a priminti esnan ku ta stim'E?

⁶Ma boso a desonra e hende pober. No ta e riku ta oprimi boso i personalmente ta lastra boso hiba dilanti di hues?

⁷No ta nan ta blasfema e bon nomber ku a wordu invoka riba boso?

⁸Sinembargo, si boso ta kumpliendo ku e lei real, segun e Skritura: "Stima bo prohimo meskos ku bo mes," boso ta hasiendo bon.

⁹Ma si boso hasi distinshon di persona, boso ta komete pika i ta wordu kondena dor di Lei komo transgresoman.

¹⁰Pasobra ken ku kumpli ku henter e Lei i sinembargo ta trompeka den un solo punto, esei a bira kulpabel di tur.

¹¹Pasobra Esun ku a bisa: "No komete adulterio," a bisa tambe: "No mata." Awor si bo no ta komete adulterio, ma bo ta mata si, bo a bira un transgresor di Lei.

¹²Papia asina i aktua asina, manera esnan ku mester wordu huzga pa e lei di libertat.

¹³Pasobra huisio lo ta sin miserikordia pa ku esun ku no a mustra miserikordia. Miserikordia ta triunfa riba huisio.

¹⁴Kiko ta bal, mi rumannan, si un hende bisa ku e tin fe, ma e no tin obranan? E fe ei por salb'e?

¹⁵Si un ruman homber of ruman muhe ta sin pana i den nesesidat di e kuminda di kada dia,

¹⁶i un di boso bisa nan: "Bai na pas, tene bo kurpa kayente i yena bo barika," i sinembargo, boso no ta duna nan loke ta nesesario pa nan kurpa, kiko esei ta bal?

¹⁷Meskos fe tambe, si e no wordu kompana ku obranan, ta morto riba su mes.

¹⁸Ma un hende por bisa: "Abo tin fe i ami tin obranan. "Mustrami bo fe sin e obranan, i ami lo mustrabo mi fe pa medio di mi obranan."

¹⁹Bo ta kere ku Dios ta un. Bo ta hasi bon; e demononan tambe ta kere, i ta tembla.

²⁰Ma bo ta dispuesto pa rekonose, abo hende bobo, ku fe sin obranan ta inutil?

²¹Nos tata Abraham no a wordu hustifika pa medio di obranan, ora ku el a ofrese su yu Isaak riba altar?

²²Bo ta mira ku fe tabata traha huntu ku su obranan, i komo resultado di e obranan, fe a wordu perfekshona;

²³i e Skritura a wordu kumpli, ku ta bisa: "I Abraham a kere Dios, i esaki a wordu konta p'e komo hustisia," i el a wordu yama e amigu di Dios.

²⁴Boso ta mira ku un hende ta wordu hustifika pa medio di obranan, i no pa medio di fe so.

²⁵I no ta na e mesun manera e prostituta Rahab a wordu hustifika tambe pa medio di obranan, ora ku el a risibi e mensaheronan i a manda nan bai pa un otro kaminda?

²⁶Pasobra meskos ku e kurpa sin spiritu ta morto, asina tambe fe sin obranan ta morto.