Read Papantla Totonac Santiago 5 Bible Online

Santiago 5 - Papantla Totonac bible

Santiago 5

¹Awor skucha, boso rikunan, yora i lamenta pa boso kalamidatnan ku ta biniendo riba boso.

²Boso rikesa a putri i mot a kome boso pananan.

³Boso oro i boso plata a frustia, i nan frustu lo ta un testimonio kontra boso i lo kaba ku boso karni meskos ku kandela. Ta den e ultimo dianan boso a akumula boso tesoro!

⁴At'e pago ku boso a keda sin paga e trahadonan ku a korta yerba den boso kunukunan ta sklama kontra boso; i e yoramentu di esnan ku a kosecha a yega na orea di e Senor di Sabaot.

⁵Boso a hiba un bida di luho riba tera i a entrega boso mes na plaser; boso a gorda boso kurason den un dia di matansa.

⁶Boso a kondena i mata e hende hustu; e no ta resist! boso.

⁷Pesei, tene pasenshi, rumannan, te na e binida di Senor. At'e kunukero ta spera e produkto presioso di e tera, teniendo pasenshi kune, te ora ku e hana e awaserunan tempran i lat.

⁸Boso tambe tene pasenshi; fortalese boso kurason, pasobra e binida di Senor ta serka.

⁹No keha un kontra otro, rumannan, pa boso mes no wordu huzga; at'e Hues ta para na porta.

¹⁰Rumannan, tuma e profetanan ku a papia den e nomber di Senor komo un ehempel di sufrimentu i di pasenshi.

¹¹Mira, nos ta konsidera komo bendishona esnan ku a persevera. Boso a tende di e perseveransia di Job i a mira e fin ku Senor tabatin na bista, ku Senor ta yen di kompashon i ta miserikordioso.

¹²Ma riba tur kos, mi rumannan, no hura, ni pa shelu ni pa tera ni pa ningun otro huramentu; ma laga boso si ta si, i boso no ta no; pa boso no kai bou di kondenashon.

¹³Tin un hende entre boso ku ta sufri? Lagu'e hasi orashon. Tin un hende ku ta kontentu? Lagu'e kanta alabansa.

¹⁴Tin un hende entre boso ku ta malu? Lagu'e yama e ansianonan di iglesia, i laga nan hasi orashon p'e, huntando e ku zeta den e nomber di Senor;

¹⁵i e orashon has! den fe lo restora esun ku ta malu, i Senor lo lant'e, i si el a komete pika, e lo wordu pordona.

¹⁶Pesei, konfesa boso pikanan un na otro, i hasi orashon un pa otro, pa boso wordu kura. E orashon efektivo di un hende hustu por logra hopi.

¹⁷Elias tabata un homber ku un naturalesa meskos ku di nos, i el a hasi orashon fervientemente pa awa no yobe; i awa no a yobe riba tera pa tres ana i seis luna.

¹⁸I el a bolbe hasi orashon, i shelu a duna awaseru, i tera a produsi su fruta.

¹⁹Mi rumannan, si kualkier di boso desvia di e berdat, i un hende hasie bolbe,

²⁰lagu'e sa ku esun ku hasi un pekado bolbe di e eror di su kaminda lo salba su alma for di morto, i lo kubri un multitut di pika.