Read Papantla Totonac 1 Juan 1 Bible Online

1 Juan 1 - Papantla Totonac bible

1 Juan 1

¹Loke tabata for di prinsipio, loke nos a tende, loke nos a mira ku nos wowo, loke nos a kontempla i loke nos man a toka, di e Palabra di Bida--

²i e bida a wordu manifesta, i nos a mira i ta duna testimonio i ta proklama na boso e bida eterno, kual tabata serka e Tata i a wordu manifesta na nos--

³loke nos a mira i tende nos ta proklama na boso tambe, pa boso tambe por tin komunion ku nos; i di berdat nos komunion ta ku e Tata i ku Su Yu Jesu-Cristo.

⁴I e kosnan aki nos ta skirbi, pa nos alegria wordu hasi kompleto.

⁵I esaki ta e mensahe ku nos a tende di djé i ta anunsia na boso, ku Dios ta lus i den djé no tin nada-nada di skuridat.

⁶Si nos bisa ku nos tin komunion kuné i sinembargo nos ta kana den skuridat, nos ta gana i no ta praktika e berdat;

⁷ma si nos ta kana den lus meskos ku E mes ta den lus, nos tin komunion ku otro, i e sanger di Jesus, Su Yu, ta limpia nos di tur pika.

⁸Si nos bisa ku nos no tin pika, nos ta gana nos mes, i e berdat no ta den nos.

⁹Si nos konfesa nos pikanan, E ta fiel i hustu pa pordona nos nos pikanan i pa limpia nos di tur inhustisia.

¹⁰Si nos bisa ku nos no a hasi pika, nos ta hasié un ganado, i Su palabra no ta den nos.