Read Papantla Totonac 2 Juan 1 Bible Online

2 Juan 1 - Papantla Totonac bible

2 Juan 1

¹E ansiano, Na e senora skohi i su yunan, kendenan mi ta stima den berdat; i no ami so, ma tambe tur esnan ku konose e berdat,

²pa kousa di e berdat ku ta permanese den nos i ku lo ta ku nos pa semper:

³Grasia, miserikordia i pas lo ta ku nos, di Dios Tata i di Jesu-Cristo, Yu di e Tata, den berdat i amor.

⁴Mi tabata masha kontentu di hana algun di bo yunan ta kana den berdat, meskos ku nos a risibi mandamentu di e Tata pa nos hasi.

⁵I awor mi ta pidibo, senora, no komo si fuera ta un mandamentu nobo mi ta skirbibo, sino esun ku nos tabatin for di prinsipio, ku nos mester stima otro.

⁶I esaki ta amor, ku nos mester kana segun Su mandamentunan. Esaki ta e mandamentu, meskos ku boso a tende for di prinsipio, ku boso mester kana aden.

⁷Pasobra hopi ganado a sali bai den mundu, esnan ku no ta rekonose ku Jesu-Cristo a bin den karni. Esaki ta e ganado i e anti-cristo.

⁸Mira bon pa boso mes, pa boso no perde loke nos a alkansa, ma pa boso risibi un rekompensa kompleto.

⁹Ken ku bai muchu leu i no ta permanese den e sinansa di Cristo, no tin Dios; esun ku ta permanese den e sinansa, esei tin tantu e Tata komo e Yu.

¹⁰Si un hende bin serka boso i no ta trese e sinansa aki, no risibie den boso kas, i no yam'e bonbini;

¹¹pasobra esun ku ta yam'e bonbini ta partisipa den su obranan malu.

¹²Siendo ku mi tin hopi kos di skirbi boso, mi no kier hasi esaki ku papel i enk; ma mi ta spera di bin serka boso i papia kara-kara, pa boso goso sea kompleto.

¹³E yunan di bo ruman muhe skohi ta saludabo. Amen.