Read Papantla Totonac 3 Juan 1 Bible Online

3 Juan 1 - Papantla Totonac bible

3 Juan 1

¹E ansiano, Na Gayo, e ruman stima, kende mi ta stima den berdat.

²Ruman stima, mi ta hasi orashon pa den tur sentido bo prospera i pa bo ta bon di salu, meskos ku bo alma ta prospera.

³Pasobra mi a keda masha kontentu ora rumannan a bin i a duna testimonio di bo berdat, esta, kon bo ta kanando den berdat.

⁴No tin goso mas grandi pa mi ku di tende ku mi yunan ta kana den e berdat.

⁵Ruman stima, bo ta aktua fielmente den tur loke bo ta hasi pa e rumannan, i spesialmente ora nan ta stranhero;

⁶i nan ta duna testimonio di bo amor dilanti di e iglesia; i lo bo hasi bon di yuda nan pa sigui nan kaminda na un manera digno di Dios.

⁷Pasobra nan a sali bai pa kousa di e Nomber, sin asepta nada for di e paganonan.

⁸Pesei nos mester sostene hombernan asina, pa nos por ta kolaboradornan pa e berdat.

⁹Mi a skirbi algu na e iglesia; ma Diotrefes, kende ta gusta di ta e prome den nan, no ta asepta loke nos bisa.

¹⁰Pa e motibu aki, si mi bin, lo mi hala atenshon riba su echonan ku e ta hasi, akusando nos inhustamente ku palabranan malisioso; i no satisfecho ku esaki, e mes no ta risibi e rumannan, i e ta prohibi esnan ku ta desea di hasi esaki, i ta saka nan for di iglesia.

¹¹Ruman stima, no imita loke ta malu, sino loke ta bon. Esun ku hasi bon ta di Dios; esun ku hasi malu no a mira Dios.

¹²Demetrio a risibi un bon testimonio for di tur hende, i for di e berdat mes; i nos tambe ta duna testimonio, i bo sa ku nos testimonio ta berdadero.

¹³Mi tabatin hopi kos di skirbibo, ma mi no kier skirbibo nan ku pen i enk;

¹⁴ma mi ta spera di mirabo pronto, i nos lo papia kara-kara. Pas sea ku bo. E amigunan ta saludabo. Saluda e amigunan kada un na nan nomber.