Read Papantla Totonac Revelashonnan 15 Bible Online

Revelashonnan 15 - Papantla Totonac bible

Revelashonnan 15

¹I mi a mira un otro senal den shelu, grandi i maraviyoso, shete angel ku tabatin shete plaga, kualnan ta e ultimonan, pasobra den nan e furia di Dios a keda kumpli.

²I mi a mira loke tabata parse un laman di glas meskla ku kandela, i esnan ku a sali viktorioso riba e bestia i riba su imagen i riba e number di su nomber, para riba e laman di glas, ku arpanan ku Dios a duna nan.

³I nan a kanta e kantika di Moises, e sirbido di Dios, i e kantika di e Lamchi, bisando: "Grandi i maraviyoso Bo obranan ta, O SENOR Dios Todopoderoso; hustu i berdadero Bo kamindanan ta, Abo, Rei di e nashonnan.

⁴Ken lo no teme, O SENOR, i glorifika Bo nomber? Pasobra Abo so ta santu; pasobra tur e nashonnan lo bin i adora Bo dilanti; pasobra bo obranan hustu a wordu revela."

⁵Despues di e kosnan aki mi a wak, i e tempel di e tabernakel di testimonio den shelu a wordu habri,

⁶i e shete angelnan ku tabatin e shete plaganan a sali for di e tempel, bisti na lino, limpi i briyante, i ku nan pechu faha ku un faha di oro.

⁷I un di e kuater kriaturanan bibu a duna e shete angelnan shete komchi di oro yen di e furia di Dios, Kende ta biba pa semper i semper.

⁸I e tempel a yena ku huma pa motibu di e gloria di Dios i pa motibu di Su poder; i ningun hende no por a drenta e tempel te ora ku e shete plaganan di e shete angelnan a keda kumpli.