Read Papantla Totonac Revelashonnan 17 Bible Online

Revelashonnan 17 - Papantla Totonac bible

Revelashonnan 17

¹I un di e shete angelnan ku tabatin e shete komchinan a bin papia ku mi, bisando: "Bin akinan, i lo mi mustrabo e huisio di e gran prostituta ku ta sinta riba hopi awanan,

²ku kende e reinan di tera a komete aktonan di inmoralidat, i esnan ku ta biba riba tera a bira burachi di e bina di su inmoralidat."

³I el a hibami den Spiritu den un desierto; i mi a mira un muhe sinta riba un bestia kolo skarlata, yen di nombernan di blasfemia, i e tabatin shete kabes i dies kachu.

⁴I e muhe tabata bisti na purpura i skarlata, i dorna ku oro, piedra presioso i perla, i den su man e tabatin un kopa di oro yen di abominashonnan i di e kosnan impuru di su inmoralidat,

⁵i na su frenta tabatin un nomber skirbi, un misterio: "E GRAN BABILONIA, MAMA DI PROSTITUTANAN I DI E ABOMINASHONNAN DI TERA."

⁶I mi a mira e muhe burachi di e sanger di e santunan i di e sanger di e testigunan di Jesus. I ora mi a mir'e, mi a keda masha asombra.

⁷I e angel a bisami: "Pakiko bo ta keda asombra? Lo mi kontabo e misterio di e muhe i di e bestia ku ta kargu'e, kual tin e shete kabesnan i e dies kachunan.

⁸E bestia ku bo a mira tabata i no ta, i ta serka di sali for di abismo i di bai na destrukshon. I esnan ku ta biba riba tera, kende nan nombernan no a wordu skirbi den e buki di bida desde e fundashon di mundu, lo keda asombra ora nan mira e bestia, ku e tabata i no ta i lo bin.

⁹"At'aki e mente ku tin sabiduria. E shete kabesnan ta shete seru riba kualnan e muhe ta sinta,

¹⁰i nan ta shete rei; sinku a kai, esun ta, e otro no a bin ainda; i ora ku e bin, e mester keda pa poko tempu.

¹¹I e bestia ku tabata i no ta, e mes tambe ta e di ocho, i ta un di e shetenan, i e ta bai na destrukshon.

¹²"I e dies kachunan ku bo a mira ta dies rei ku no a risibi un reino ainda, ma pa un ora nan ta risibi outoridat komo rei huntu ku e bestia.

¹³Esakinan tin un proposito i nan ta duna nan poder i outoridat na e bestia.

¹⁴Esakinan lo hasi guera kontra e Lamchi, i e Lamchi lo vense nan, pasobra E ta Senor di senornan i Rei di reinan, i esnan ku ta huntu kuné ta e yamanan i skohinan i fielnan."

¹⁵I el a bisami: "E awanan ku bo a mira kaminda e prostituta ta sinta, ta pueblonan i multitutnan i nashonnan i lenganan.

¹⁶I e dies kachunan ku bo a mira, i e bestia, esakinan lo odia e prostituta i lo hasie desola i sunu, i lo kome su karni i lo kim'e kompletamente ku kandela.

¹⁷Pasobra Dios a pone den nan kurason pa ehekuta Su proposito, dor di tin un solo proposito, i dor di duna nan reino na e bestia, te ora ku e palabranan di Dios keda kumpli.

¹⁸I e muhe ku bo a mira ta e gran stat ku ta reina riba e reinan di tera."