Read Papantla Totonac Revelashonnan 20 Bible Online

Revelashonnan 20 - Papantla Totonac bible

Revelashonnan 20

¹I mi a mira un angel ta baha for di shelu ku e yabi di e abismo i un kadena grandi den su man.

²I el a gara e dragon, e kolebra di antiguedat, kende ta diabel i Satanas, i a mar'e pa mil ana,

³i a tir'e den e abismo, i a sera i seya esaki ofer di dje, pa e no gana e nashonnan mas, te ora ku e mil ananan a keda kumpli; despues di e kosnan aki e mester wordu gelos pa un tempu kortiku.

⁴I mi a mira trononan, i nan a sinta riba nan i nan a wordu permit! pa huzga. I mi a mira e almanan di esnan ku nan kabes a wordu kita afo pa motibu di e testimonio di Jesus i pa motibu di e palabra di Dios, i esnan ku no a adora e bestia ni su imagen, i ku no a risibi e marka na nan frenta i na nan man; i nan a bolbe biba i a reina ku Cristo pa mil ana.

⁵E restu di e mortonan no a bolbe biba te ora ku e mil ananan a keda kumpli. Esaki ta e prome resurekshon.

⁶Bendishona i santu ta esun ku tin parti den e prome resurekshon; riba esakinan e di dos morto no tin poder, ma nan lo ta saserdotenan di Dios i di Cristo i lo reina huntu kuné pa mil ana.

⁷I ora ku e mil ananan keda kumpli, Satanas lo wordu gelos for di su prizon,

⁸i lo sali pa gana e nashonnan ku ta keda den e kuater skinanan di tera, Gog i Magog, pa reuni nan pa guera; nan kantidat ta manera e santu kantu di laman.

⁹I nan a subi bin riba henter e hanchura di tera i a rondona e kampamentu di e santunan i e stat stima; i kandela a baha for di shelu i a devora nan.

¹⁰I diabel, kende a gana nan, a wordu tira den e lago di kandela i swafel, kaminda e bestia i e profeta falsu tambe ta; i nan lo wordu tormenta di dia i anochi pa semper i semper.

¹¹I mi a mira un gran trono blanku i Esun ku tabata sinta riba dje, pa Kende Su presensia tera i shelu a hui bai, i ningun luga no a wordu hana pa nan.

¹²I mi a mira e mortonan, grandi i chikitu, para dilanti di e trono, i bukinan a wordu habri; i un otro buki a wordu habri, kual ta e buki di bida; i e mortonan a wordu huzga for di loke tabata para skirbi den e bukinan, segun nan obranan.

¹³I laman a entrega e mortonan ku tabata den dje, i morto i Hades a entrega e mortonan ku tabata den nan; i nan a wordu huzga, kada un di nan segun nan obranan.

¹⁴I morto i Hades a wordu tira den e lago di kandela. Esaki ta e di dos morto, e lago di kandela.

¹⁵I si un hende su nomber no a wordu hana skirbi den e buki di bida, el a wordu tira den e lago di kandela.