Read Papantla Totonac Revelashonnan 9 Bible Online

Revelashonnan 9 - Papantla Totonac bible

Revelashonnan 9

¹I e di sinku angel a toka, i mi a mira un strea for di shelu ku a kai riba tera, i yabi di e pos di abismo a wordu duna na dje.

²I el a habri e pos di abismo, i a sali huma for di e pos, manera huma di un fornu grandi; i solo i aire a bira skur dor di e huma di e pos.

³I for di e huma tirakochinan a sali bin riba tera; i poder a wordu duna na nan, meskos ku e skorpionnan di tera tin poder.

⁴I na nan a wordu bisa pa nan no hasi dano na e yerba di tera, ni na ningun kos berde, ni na ningun palu, sino solamente na e hendenan ku no tin e seyo di Dios na nan frenta.

⁵I nan no a wordu permit! pa mata ningun hende, ma pa tormenta sinku luna largu; i nan tormento tabata manera e tormento di un skorpion ora ku e pika hende.

⁶I den e dianan ei hende lo buska morto i lo no han'e; i nan lo desea di muri, ma morto lo hui for di nan.

⁷I e aparensia di e tirakochinan tabata manera kabai prepara pa bataya; i riba nan kabes tabatin korona manera di oro, i nan kara tabata manera kara di hende.

⁸I nan tabatin kabei manera kabei di hende muhe i nan djentenan tabata manera djente di leon.

⁹I nan tabatin korasa manera korasa di heru; i e zonidu di nan halanan tabata manera e zonidu di garoshi, di hopi kabai ku ta kore bai bataya.

¹⁰I nan tin rabu manera skorpion, i tambe pui; i den nan rabu nan tin e poder pa hasi dano na hende, sinku luna largu.

¹¹Nan tin komo rei riba nan e angel di e abismo; su nomber na hebreo ta Abadon, i na griego Apolion.

¹²E prome ai a pasa; mira, dos ai mas ta sigui despues di e kosnan aki.

¹³I e di seis angel a toka, i mi a tende un bos for di e kuater kachunan di e altar di oro ku ta dilanti di Dios,

¹⁴un ku ta bisa e di seis angel ku tabatin e trompet: "Los e kuater angelnan ku ta mara na e riu grandi Eufrates."

¹⁵I e kuater angelnan, ku a wordu prepara pa e ora i dia i luna i ana, a wordu gelos pa nan mata un di tres parti di humanidat.

¹⁶I e kantidat di e ehersitonan di e hombernan riba kabai tabata dos shen miyon; mi a tende nan kantidat.

¹⁷I asin'aki mi a mira den e vishon e kabainan i esnan ku tabata sinta riba nan: e koredonan tabatin korasa bisti kolo di kandela i kolo blou i kolo hel manera swafel; i kabes di e kabainan ta manera kabes di leon; i for di nan boka ta sali kandela i huma i swafel.

¹⁸Un di tres parti di humanidat a wordu mata dor di e tres plaganan aki, dor di e kandela, huma i swafel ku tabata sali for di nan boka.

¹⁹Pasobra e poder di e kabainan ta den nan boka i den nan rabu. Nan rabunan ta manera kolebra, pasobra nan tin kabes; i ta ku esakinan nan ta hasi dano.

²⁰I e restu di humanidat ku no a wordu mata dor di e plaganan aki, tog no a repent! di e obranan di nan man, pa no adora demononan, ni e idolonan di oro i di plata i di brons, di piedra i di palu, kualnan no por mira ni tende ni kana;

²¹i nan no a repent! di nan matamentunan, ni di nan bruherianan, ni di nan inmoralidat, ni di nan ladronisianan.