Read Papantla Totonac 1 Samuel 21 Bible Online

1 Samuel 21 - Papantla Totonac bible

1 Samuel 21

¹Anto David a bin Nob serka saserdote Ahimelek; i Ahimelek a sali na temblamentu pa kontra ku David, i a bis'e: "Pakiko bo ta bo so, sin ningun hende huntu ku bo?"

²I David a bisa saserdote Ahimelek: "Rei a enkargami ku un asunto, i a bisami: 'No laga ningun hende sa nada tokante di e asunto pa kual mi ta mandabo, i ku mi a enkargabo kune; i mi a dirigl e hobennan na un sierto luga.'

³Awor anto, kiko bo tin na man? Dunami sinku pan of loke bo tin."

⁴I e saserdote a kontesta David i a bisa: "No tin pan gewon awor aki na man, ma tin pan konsagra sf kontal ku e hobennan a apstene nan mes di muhe."

⁵I David a kontesta e saserdote i a bis'e: "Siguramente muhe a wordu tern leu for di nos, meskos ku antes ora mi tabata sali i e kurpanan di e hobennan tabata santu, maske ku tabata un biahe gewon; anto kuantu mas awe nan kurpanan lo ta santu?"

⁶Asina e saserdote a dun'e pan konsagra; pasobra no tabatin pan einan, sino solamente e pan di e Presensia ku a wordu kita for di dilanti di SENOR, pa pone pan kayente na su luga ora ku esei a wordu kita.

⁷Awor e dia ei un di e sirbidonan di Saul ku tabata einan a keda deteni dilanti di SENOR; i su nomber tabata Doeg e edomita, hefe di Saul su wardadonan di bestia.

⁸Anto David a bisa Ahimelek: "No tin lansa ni spada akinan? Pasobra mi no a trese ni mi spada ni mi armanan ku mi, pasobra rei su asunto tabata urgente."

⁹E ora ei e saserdote a bisa: "E spada di e filisteo Goliat, kende bo a mata den e vaye di Ela, mira, e ta lora den un pana tras di e efod; si bo kier tum'e pa bo, tum'e. Pasobra no tin ni un otro sino esei so akinan." I David a bisa: "No tin ni un manera esaki; dunamie."

¹⁰E ora ei David a lanta i a hui e dia ei bai for di Saul, i a bai serka Akis, rei di Gat.

¹¹Ma e sirbidonan di Akis a bis'e: "Esaki no ta David, rei di e tera? No ta di esaki nan tabata kanta, segun nan tabata balia, bisando: 'Saul a mata su milnan, i David su dies milnan'?"

¹²I David a tuma e palabranan aki na kurason i a hana masha miedu di Akis, rei di Gat.

¹³Pesei el a kambia su komportashon nan dilanti i el a fingi di ta loko den nan presensia, i a kras riba e blatnan di e porta di stat, i a laga baba kore den su barba.

¹⁴E ora ei Akis a bisa su sirbidonan: "Mira, boso ta wak ku e homber ta komporta su mes manera hende loko. Pakiko boso ta tres'e serka mi?

¹⁵Ta hende loko mi ta falta, ku boso a trese esun aki pa hunga loko den mi presensia? Un hende asina mester bin den mi kas?"