Read Papantla Totonac 1 Samuel 3 Bible Online

1 Samuel 3 - Papantla Totonac bible

1 Samuel 3

¹Awor e mucha homber Samuel tabata ministra na SENOR dilanti di Eli. I palabra ku tabata bin di SENOR tabata skars den e dianan ei, i vishonnan tabata masha poko.

²I a sosode den e tempu ei ora ku Eli tabata drumi na su luga (awor su bista a kuminsa bira skur i e no por a mira bon),

³i e lampi di Dios no a paga ainda, i Samuel tabata drumi den e tempel di SENOR kaminda e arka di Dios tabata,

⁴ku SENOR a yama Samuel. I el a kontesta: "At'ami aki."

⁵Anto el a kore bai serka Eli i a bisa: "At'ami aki, pasobra bo a yamami." Ma Eli a kontesta: "Mi no a yama, bai drumi atrobe." Asina el a bai i a kai drumi.

⁶I SENOR a bolbe yama: "Samuel!" Asina Samuel a lanta i a bai serka Eli i a bisa: "At'ami aki, pasobra bo a yamami." Ma Eli a bisa: "Mi no a yama, mi yu, bai drumi atrobe."

⁷Awor Samuel no tabata konose SENOR ainda, ni e palabra di SENOR no a wordu revela na dje ainda.

⁸Asina SENOR a bolbe yama Samuel pa di tres biaha. I el a lanta i a bai serka Eli i a bisa: "At'ami aki, pasobra bo a yamami." E ora ei Eli a komprende ku ta SENOR tabata yama e mucha homber.

⁹I Eli a bisa Samuel: "Bai drumi, i si E yamabo, bo mester bisa: 'Papia SENOR, pasobra Bo sirbido ta skuchando.'" Asina Samuel a bai i a kai drumi na su luga.

¹⁰Anto SENOR a bin para i a yama manera e otro biahanan: "Samuel! Samuel!" I Samuel a bisa: "Papia, pasobra Bo sirbido ta skuchando."

¹¹I SENOR a bisa Samuel: "Mira, Mi ta bai hasi un kos den Israel ku lo hasi tur dos orea di tur esnan ku tende esaki flu.it.

¹²Riba e dia ei lo Mi kumpli kontra Eli tur loke Mi a papia tokante di su kas, for di kuminsamentu te na fin.

¹³Pasobra Mi a bis'e ku Mi ta bai huzga su kas pa semper, pa e inikidat ku e tabata sa di dje, pasobra su yu hombernan a trese un maldishon riba nan mes i e no a reprende nan.

¹⁴I pesei Mi a hura na e kas di Eli ku e inikidat di e kas di Eli lo no wordu ekspia nunka, ni pa medio di sakrifisio ni pa medio di ofrenda."

¹⁵Asina Samuel a bai drumi te mainta. Anto el a habri e portanan di e kas di SENOR. Ma Samuel tabatin miedu di konta Eli e vishon.

¹⁶Anto Eli a yama Samuel i a bisa: "Samuel, mi yu." I Samuel a bisa: "At'ami aki."

¹⁷I Eli a bisa: "Kiko ta e palabra ku El a papia ku bo? Pa fabor, no skonde esaki pa mi. Ku Dios hasi asina ku bo, i pio ainda, si bo skonde kualke kos pa mi di tur e palabranan ku El a papia ku bo."

¹⁸Asina Samuel a kont'e tur kos i no a skonde nada p'e. I Eli a bisa: "Ta SENOR; lagu'E hasi loke ta pars'E bon."

¹⁹Asina Samuel a krese i SENOR tabata kune i no a laga ningun di su palabranan faya.

²⁰I henter Israel, for di Dan te na Beerseba, tabata sa ku Samuel a wordu konfirma komo un profeta di SENOR.

²¹I SENOR a bolbe parese na Silo, pasobra SENOR a revela Su Mes na Samuel na Silo pa medio di e palabra di SENOR.