Read pokomo 2 Wakorint̯o 13 Bible Online

2 Wakorint̯o 13 - pokomo bible

2 Wakorint̯o 13

¹Hu ni mweedha wangu wa hahu niokudzani kwenu. Masit̯aki yaḍeyonse ni had̯i yawe na mashaahiḍi wawii ambu wahahu, dza vya matsoro yaneneyevyo.

²Nyakuwakanyani hawaḍe weohenda nabvise kae na hawa wangine wonse. Niivinena ḍya d̯ura huḍe mweedha wa pfii niwomut̯embeeya, ela nyakuvinenani kawii hivi nisivyokuwa pfamodza nanywi, kwamba: Hu mweedha ungine nidzeokudza sikudzaonea t̯ei muntu.

³Hivi navihenda, mana mwakulachani kuona kwamba *Kirist̯o kakunenani kuchiiya nami ambu hat̯a. Kirist̯o si ya kwamba nka nguvu kwenu hat̯a; nguvuze kakuziyangani kahi yenu.

⁴Hat̯a ingawa Kirist̯o kapfatsikwa muhini mwa mpatsa kwa dzambo ḍya kutsowa nguvu, sasa kakuishini kwa nguvu za Muungu. Hat̯a naswi, ntahu nguvu, ela hunaishi kwa nguvu za Muungu kumuhumikia nywinywi.

⁵Dzipimeni nywinywi wenye urembo, mudziyowe kwamba muna faro ya ḍugha ambu mu Wakirist̯o sari ḅasi. Ikiwa kwamba ntamuwezi kumanya ya kwamba Yesu Kirist̯o kakuishini kuzimuni mwenu ambu hat̯a, ḅasi nywinywi mumaugwa hu mutihani.

⁶Nyakudzikwat̯yani kwamba nywinywi mumanya ya kwamba swiswi ntahukwaa wantu hugwiyeo.

⁷Nami, hat̯a nikihwajwa dza muntu ashindijwe, mayombo yangu kwa Muungu ni kwamba, nywinywi mutsehenda tsowa ḍiḍeḍyonse. Muud̯ama yangu ni kwamba nywinywi muhende yeyo ya hachi, si kwamba mimi nionekane kwamba nifaulu.

⁸Koro hi hachi ntahu uwezo wa kuikaiya machingama, huna uwezo wa kuisumamia t̯u.

⁹Swiswi hwipfonatsowa nguvu nanywi mukiwa nazo, swiswi hunatsekea. Ndookomu hwichonamuyombea ni kwamba muweze kuwa warongaaro kawii.

¹⁰Nyakumworeani hi hii ḅaruwa ninkiwa kuye nanywi, ili kwamba chima changu cha kudza, kunawa ntaku haḍya kwangu kuwa mukali kwenu. Koro haya mamulaka ya Ḅwana animpiyeyo, natsaka kuyatumia kumumbaka nywinywi, si kumuvara-vara.

¹¹Wandugu, haya ikaani naghea! Elekanyani hizi njia zenu. Hivi vyuuwo vyangu vihwaeni. Wani wantu wa chuuwo kimodza na muishi na naghea. Na, Muungu ahutsakie na eyenahupfa naghea anawa pfamodza nanywi.

¹²Mukwakukedhyanani, noneanani, kuyangana matsako ya kindugu.

¹³Wantu wonse wa Muungu wamukedhya nto.

¹⁴T̯ei ya Ḅwana jwehu Yesu Kirist̯o, na matsako ya Muungu, na haria ya Ruhu Mudheru, naviwe pfamodza nanywi nyonse.