Read pokoot 2 PÖYTOGHÏ 18 Bible Online

2 PÖYTOGHÏ 18 - pokoot bible

2 PÖYTOGHÏ 18

¹Kilïkwï Esekia wero Aas pöytoghinto Yuda ompö könyi sömök nyo pö paytaghpa Osyea wero Ela pöytoghinto Israel.

²Kitïng nyinte könyis 25 otini kitor kïpayta. Kipayta ompö Yerusalem könyis 29. Kikuro kame Apiya chepö Sakaria.

³Kigh nyinte nyo karam ompö tawu ECHOTYON, kïrïp kegh nko otöpto kwanta pöytoghin Daudi.

⁴Kinyar wölo kïsogho körkeyïntin akurultö pchörin akuriy körkeyïntin cho pö tororöt nyo kikuro Asyera* nyo le korka akïtörotör moroy nyo pö taghoy nyo kigh Musa nyo kikuro Neustan, ompöwölo kitökïpelchini pipö Israel amörostin osiswechoni.

⁵Kighan Esekia ECHOTYON Tororöt pö Israel amelö kinyorï pipö Yuda ngat pöytoghinte anka nyo karkegh nko nyinte ompö cho kimi tawunyi anta cho kirïpï nyinte.

⁶Kighan nyinte ECHOTYON ompö mïkulöwunyi kïmïkul, melö kipeny ngalechi. Kirïp nyinte kirurut pö ECHOTYON löwïr cho kimwochï Musa.

⁷Kïlenyona kimi ECHOTYON nko nyinte akusoyön nyinte ompö kïgh anka tïkwïl nyo kigh. Kipeny nyinte ngala pöytoghinto Asirya akïtagh kïpöghisyechï.

⁸Kïporyeghö pipö Pilisti akïrïnta akupokyï kanastinekwa cho mïnkech nko cho echön, kïmi nko Kasa nko koros cho lekïtöch.

⁹Kipokyï Syalmaneser pöytoghinto Asirya kanasyanta Samaria akurich ompö könyi angwan nyo pö paytaghpa Esekia, aki könyi mut nko odeny nyo pö Osyea pöytoghinto Israel.

¹⁰Kïnam nyu chane kanasyantanoni ompö sörömu könyi sömök. Ki könyi mut nko akonga nyoni nyo pö paytaghpa Esekia, aki könyi mut nko angwan nyo pö Osyea pöytoghinto Israel.

¹¹Kïrang pöytoghinto Asirya pipö Israel kutang koro Asirya akutö walaka kïmang kanasyanta Ala, kïmang walaka lalwa Apor ompö Koro Kosan kutö walaka kïmang kanastina pipö Mede.

¹²Kikïnam kanasyanta Samaria ompöwölo kitagh pipö Israel kïrïp muma* ECHOTYON Tororötïngwa, ata cho kimwochï Musa, mötworinto ECHOTYON chane, melö kilïm anta terchï.

¹³Kupokyï Senakerip pöytoghinto Asirya kanastina Yuda löwïr cho kikïtekyï nöyet akïrïnta ompö könyi taman nko angwan nyo pö paytaghpa Esekia.

¹⁴Kïyonta Esekia pöyoghinto Yuda kut wölo mi pöytoghinto Asirya ompö Lakis akïlenchï, “Kalelan, kaykay meporyeghö piköchan, atokonïn kïgh anka tïkwïl nyo imökenyi.” Kuyokyï pöytoghintonay Esekia lö, “Omökan konunenyi kilen 10,000 cho pö silpa nko kilen 1,000 cho pö koltin.”

¹⁵Kïghamït Esekia silpa löwïr cho ki mi Kö pö Tororöt* nko cho ki mi kaplawach pö konyi nyo pö paytagh

¹⁶akungetunö kukoti Kö pö Tororöt koltine walaka cho kimina nyinte kukot wölo le yïm akutö pöytoghinto Asirya.

¹⁷Kïyonta pöytoghintonay pö Asirya Tartan nko Rapsaris nko Rapsyake nko lïk nyo wow ompö Lakis, kïpa kïporyö nko Esekia ompö Yerusalem, kintöghoghchini chane lïkononi. Nyini kitïta chane Yerusalem, kughyongö ara pögh nyo kingwïno ngarpïl nyo kimi wölo to, ompö ara mït nyo wetöy kutöngöy wölo kiwuno

¹⁸Atolapay kïyonta kintöghoghichay pich kïkurï pöytoghin Esekia, kïpka pich sömökï kïtaroch chane. Elyakim wero Ilkia nyo kighyongchini ka pöytoghin nko Syepna nyo kile kikirinto ngal nko Yoa wero Asap nyo kile kikirinto tïkwïn.

¹⁹Kïlenchï Rapsyake chane, “Olenchinö Esekia, kölö pöytoghinto Asirya nyo wow, kïgh ne nyï itwoytonyi kegh?”

²⁰Akulet tagh lö, “Ilentenyi so ngal kwïle cho setöy lïk akïkonï chïreryö nko owesyö? Ngo nyini itwoytonyi kegh lö ngörokokwa otï kepenyanyi pöytoghinto Asirya nya?

²¹Kïrkegh ilentenyi otwoytoy kegh koro Misri, wölo karkegh nyona nko chi nyo tökönöy mochön nyo mïro akïchak ewunyi. Lata nyoni Parao, pöytoghinto Misri ompö pich cho twoytoy kegh nyinte.

²²“Wölo ato olenchanïkwa, ‘Kitwoytocha kegh ECHOTYON Tororötïnyo!’ Memukonye ompöwölo kinyar Esekia ato kïpelo amöros nko wölo kïsogho körkeyïntin akïlenchï pipö Yuda nko cho pö Yerusalem asaghena ato kïpelo amöros nyo mi Yerusalem.

²³Kïlenyona nyonö chomnyenö nko echotyontenyan pöytoghinto Asirya. Okoninyi angoletin 2,000 ato itïngetenyi pich cho teno choni cho pegho!

²⁴Imukenyi lö ne nyu nteyon ompö yetïn nyo mïnïng ompö mötwori echotyontenyan akwanyï itwoytonyi kegh koro Misri ompö nkarinechi nko pipö angoletin?

²⁵Ilentenyi so koporyeghan korenkwa anyar amengarakanïn ECHOTYON? Ki ECHOTYON nyini kimwowanïn oporyeghö koronete anyar!”

²⁶Atolapay kïlenchï Elyakim wero Ilkia nko Syepna nko Yoa Rapsyake, yetïnay pö Asirya, “Kaykay ngölonwecha mötworiku ompö ngala Aram, mengölonwecha ngala pipö Yuda, tömalïm pïchï löwïr mi nayat.”

²⁷Wölo kïmwöchï Rapsyake chane lö, “Olentekwa so akwa nko pöytoghintenkwa opïn cho köyonwanïn pöytoghintenyu angwïn omwochï ngalechï? Ewo, kangwïnan atangalan nko pïchona mpuröy nayat tïkwïl, pich cho tomönye kite kwam sïkökökwa akïgha sikörorikwa nko akwa tïkwïl.”

²⁸Atolapay kughyö Rapsyake akutegh ompö kuti pipö Yuda lö, “Atera ngala aryang, pöytoghinto Asirya!

²⁹Karirwakwa nyinte lö makany kïlïsak Esekia, memukönye ntökïsörwokwa ompö morichan.

³⁰Amakany kïlïsak lö ngörokokwa ECHOTYON. Molenchï kegh sörwokwa ECHOTYON, amokön lö yodoy lïko Asirya manam kanasyantengwa.

³¹Mater ngala Esekia, lentöy pöytoghinto Asirya apkana ama mis nko ani. Atonyorunö pöroyïn nyo omo akwekwo pö sapipun nko cho pö makanykökwo aghegh pögho koriko pöghonikwo,

³²ntökïtenö kuporwokwa pöytoghintö kore anka nyo karkegh nko korenkwa, kor nyo mi pagh nko dipay* nko makatin nko keti arol nko kumot. Atomöngisyenökwa kokay puryö meghat. Wölo makany kïlïsakwa Esekia lö sörwokwa ECHOTYON.

³³Mi so tororöt ompö akong nyo pö punton nyo kisörunö pikachi mori pöytoghinto Asirya?

³⁴Mi onö tororöt pö Amat nko Arpad? Akï mi onö tororöt pö Separpaim nko nyo pö Ena nko nyo pö Ipa? Mi nyo kimï kïsörunö Samaria morichanï?

³⁵Oyï ato kimï tororöt nyo le ompö akonga nyo pö puntonichoni ntökïsörunö pikachi pöytoghintencha? Kïne nyo ighokwa anana lö söruno ECHOTYON Yerusalem morichan?”

³⁶Kïsisyö pïchay lasay lenyini kimwochï pöytoghin Esekia nyo kökimwochï chane. Melö kiwöghökwï ngölyon nyo le ompö akonga.

³⁷Kïkarer sïrokökwa Elyakim wero Ilkia nko Syepna nko Yoa ompö nyarïl akïpa wölo mi pöytoghintö Esekia akïmwochï nyinte ngalechay pö Rapsyake, wowïnay pö Asirya.