Read pokoot 1 OTÖPTINO OSIS 11 Bible Online

1 OTÖPTINO OSIS 11 - pokoot bible

1 OTÖPTINO OSIS 11

¹Kïpa pipö Israel löwïr wölo mi Daudi ompö Epron akïlenchï, “Kïchicha koyeku nko kisönköku.

²Ompö osis cho kikuwer ato ki pöytoghin Saulö, kintöghoghchini Israel ompö poryot, akiyomisunyi lö, ‘Ilïkunyi mösöwonto piköchan Israel aipöytonyi Israel.’ ”

³Kïpechï kintöghoghi Israel pöytoghin ompö Epron, kuyomis kegh Daudi nko chane ompö tawu ECHOTYON. Akïkïl chane Daudi kïlïkwï pöytoghinto Israel, kïle ato kiyomis ECHOTYON kuwerï Samwel.

⁴Kïwö Daudi nko pipö Israel löwïr akupokyï Yerusalem, nyoni kï Yepus, nyo kile koro Yepusin.

⁵Kïlenchï Yepusin Daudi, “Memukenyinye ntelïtï korencha, ntelïtï kanasyantencha.” Wölo kïnam Daudi Sayon* akïlïkwï nyoni kanasyanta Daudi.

⁶Kïlö Daudi, “Chi nyo nyoghöy kïpöröy Yepusin kïlïku kintöghoghinto pipö lïk.” Kuntöghoghchï poryot Yoap nyo kile kame Seruya, kïlïkwï nyinte kintöghoghinto pipö lïk.

⁷Kïmang Daudi kanasyantanay, akekurö kanasyanta Daudi.

⁸Kïtek Daudi kanasyante kuwit kïngeta Milo kutang, kuwanta Yoap kïtek kanasyante wölo kinyara.

⁹Kïtasa owesyo Daudi ompöwölo kimi ECHOTYON Tororöt pö lïkos nko nyinte.

¹⁰Chï kï pipö lïk cho le nyökon cho kimi Daudi tïkwïl, cho kingarak nyinte nko pipö Israel atökïlïkwï pöytoghin kïle ato kiyomis ECHOTYON.

¹¹Nyo pö tagh kï Yasyopeam nyo pö ara Akmon, yetïn nyo pö “Chane cho le sömök,” nyo kipar pich cho le 300 ompö poryot akonga.

¹²Nyo pö odeny ompö nyökonchay le sömök kï Eleasar wero Dodo nyo pö ara Aoy.

¹³Kimi ato kipoyotö nyinte nko Daudi akïporyeghö Pilisti ompö Pas Damim. Kimi chane wölo le para mosong. Kïryögh lïko pipö Israel,

¹⁴wölo kughyongtö chane nko pikökwa ompö paranoni akïporyeghö pipö Pilisti. Kutö ECHOTYON chane rïntagh nyo wow.

¹⁵Kïröytö pich cho le sömök ompö kintöghoghichay le tömönut sömök, kutang köpöno Adulam wölo ki mi Daudi ato kirich osiswo ilö akimi lïko Pilisti mpöghoghyo Repaim.

¹⁶Kimi Daudi atoni wölo tekate, kïmi pipö Pilisti walaka Petleem.

¹⁷Kunan Daudi kaw akïlö, “Ntökökonanïn chi pögh cho pö kö pö pögh nyo mi Petleem!”

¹⁸Kïnget pïchay kï sömök le nyökon akuwer möngo Pilisti kwen, akïrömunö pögh köyay pö pögh mi Petleem akwipchï Daudi. Wölo melö kigha nyinte kitö ECHOTYON,

¹⁹akïlö, “Mogheghanye chï ECHOTYON, ompöwölo lata ato kagheghan kisön pö pïchï ketö söpöntöngwa tapan.” Kïlenyona kïtagh kïgha. Tïkwïn choni cho echön cho kigh nyökonchay le sömök.

²⁰Ki Apisyay werto ompö Yoap nyo kile yetïn pö pïchay le tömönut sömök. Kipara ngat nyinte pich 300, akwororit ompö chay le tömönut sömök.

²¹Kyaror nyinte tya ompö pïchay le tömönut sömök akïlïkwï yetïntöngwa, wölo melö kit ororyenyi nyo pö pïchay le sömök.

²²Ki chi nyo awes Penaya wero Yeoyada nyo pö Kapseel, akigh nyinte tïkwïn cho pö töngönchin, kipar nyökon pö Moap odeny akïpörchï ngötïny ngötut ompö osiswo kaghïtan.

²³Kipar tïkwïl chi pö Misri nyo kikogh nyo kitïng ngat ompö eghunyi, wölo kïporyeghö Penaya nyinte ompö lïkïp akïsara ngatït akïpara nyinte.

²⁴Tïkwïn choni cho pö töngonchin cho kigh Penaya wero Yeoyada akwororit ompö pïchay le tömönut sömök.

²⁵Kyoror nyinte ompö kwenungwa, wölo melö kit ororyenyi nyo pö pïchay le sömök, kwigh Daudi nyinte kïlïkwï ripintenyi.

²⁶Chï kï pich cho kyororöch ompö pipö lïk: Asael werto ompö Yoap Elanan wero Dodo nyo pö Petleem Syamot nyo pö Arod Eles nyo pö Pelon Ira wero Ikes nyo pö Tekoa Apieser nyo pö Anatot Sipekay nyo pö Usya Ilai nyo pö Aoy Maaray nyo pö Netopa Eled wero Paana nyo pö Netopa Itai wero Ripay nyo pö Kipea akï pö ara Penchamen Penaya nyo pö Piraton Urai nyo ngwïno mpöghoghöyi Kaas Apiel nyo pö Arpa Asmapet nyo pö Paarum Eliapa nyo pö Syaalpon Asyem nyo pö Kison Yonatan wero Syakee nyo pö Arar Ayam wero Sakar nyo pö Arar Elipal wero Ur Eper nyo pö Mekera Aiya nyo pö Pelon Esro nyo pö Karmel Naarai wero Espai Yoel werto ompö Natan Mipar wero Akri Selek nyo pö Amon Naaray nyo pö Peerot nyo kile sïtinto kari lïk cho pö Yoap, wero Seruya Ira nko Karep cho pö Itrin Uriya nyo pö Ititi Sapad wero Alai Adina wero Syisa nyo pö ara Rupen nyo kintöghoghchini pipö lïk ch(...)