Read pokoot 1 OTÖPTINO OSIS 18 Bible Online

1 OTÖPTINO OSIS 18 - pokoot bible

1 OTÖPTINO OSIS 18

¹Kïporyeghö Daudi Pilisti ngat akïrïnta akïchenga chane kanasyanta Kat nko cho mïnkech cho kiwit.

²Kirïnta tïkwïl pipö Moap cho kilïkwï mötworichi akïkwöghchï nyinte surï.

³Kirïnta tïkwïl Daudi Adadeser nyo pö Sirya pöytoghinto Sopa, ompö ato lekïto Amat ato kirich kïnyorï owesyö lalwa Yuparet.

⁴Kïnam Daudi nkaritinechi cho le 1,000 nko pipö angoletin cho le 7,000 nko pipö lïk cho pegho kelyön cho le 20,000. Kïtörotör Daudi angoletine chepkintolay cho kichutöy nkaritin, kïpoto cho le 100 cho pö nkaritin cho kipïstö.

⁵Kïyonta pipö Sirya cho pö Damaska pipö lïk kïpa kungarak Adadeser pöytoghinto Sopa, kïpar Daudi cho le 22,000.

⁶Akïtek Daudi kampi lïk kanasyanta Sirya nyo pö Damaska, kïlïkwï pipö Sirya mötwori Daudi akïkwöghchï Surï. Kutö ECHOTYON Daudi rïntagh ompö wop anka tïkwïl wölo kiwö poryot.

⁷Kïcheng Daudi longoy pö koltin cho kipöy mötwor Adadeser akwip Yerusalem.

⁸Kwipunö Daudi kari tayoy cho chang Tipat nko Kun kanastina Adadeser. (Kigha Solomon tïkuchi ato le löt, töro pögh nko pchörin nko kari tayoy.)

⁹Nyini kilïm Toy pöytoghinto Amat lö karïnta Daudi pipö lïk löwïr cho pö Adadeser,

¹⁰kïyonta werïnyi Yoram wölo mi Daudi kutakwes nyinte akuyokyï sörö ompöwölo karïnta Adadeser nyo köporyot nko nyinte su ngat. Kwipchï Yoram Daudi tïkwïn cho kikigh koltin nko silpa nko tayoy.

¹¹Kïcheng Daudi tïkuchï akutötö tökepöghisyeghö ompö saghat kïmi nko silpa nko koltin chay kichenga puntonichay kirïnta pö: Edom nko Moap nko Amon nko Pilisti nko Amalek.

¹²Kïrïnta Apisyay nyo kile yonyi Seruya pipö Edom akïpar cho le 18,000 ompö mpöghoghyo Paryan.

¹³Kïtek Daudi möngenyi pö lïk kuwit Edom akïlïkwï pipö Edom mötworichi, kutö Echotyo nyinte rïntagh ompö wop anka tïkwïl wölo kiwö poryot.

¹⁴Kïpayta Daudi koro Israel kïmïkul akurwokyï pikachi ompö man.

¹⁵Apisyay werto ompö Yoap, wero Seruya nyo kile yetïn pö lïk, Yeosyapat wero Ailud nyo kile komöninto tïkwïn.

¹⁶Sadok wero Aitup nko Aimelek wero Apyatar cho kile tïsï, kï kikirinte Seraya.

¹⁷Penaya wero Yeoyada nyo kighyongtoy pipö Keret nko Pelet, kïcheng werpö Daudi ngöcher cho echön ompö paytaghtanyi. Naya wero Yeoyada nyo kighyongtoy pipö Keret nko Pelet, kïcheng werpö Daudi ngöcher cho echön ompö paytaghtanyi.