Read pokoot 1 OTÖPTINO OSIS 24 Bible Online

1 OTÖPTINO OSIS 24 - pokoot bible

1 OTÖPTINO OSIS 24

¹Chï kï söpïch pö monïngo Aron kitïng Aron wor angwan: Nadap nko Apiu nko Eleasar nko Itamar.

²Kirapas Nadap nko Apiu kïtomö papongwa akimötïngnye chane monïng, kïlenyona kilïkwï tïsï Eleasar nko Itamar.

³Kitat Daudi monïngo Aron kïpeghategha söpïchis kïrïp kegh nko ighisyewutkökwa. Kingarak nyinte Sadok nyo pö ara Eleasar nko Aimelek nyo pö ara Itamar.

⁴Kikïtat monïngo Eleasar ompö söpïchis 16, ketat cho pö Itamar ompö söpïchis mut nko sömök, kikigh lenyoni ompöwölo kichang monïngö cho le wor ompö kori monïngo Eleasar cho kile kintöghoghï.

⁵Ompöwölo kimito kwenu monïngo Eleasar nko Itamar yetïntino Kö pö Tororöt* nko cho netisïyi, kïlenyona kikïchöghchï chane ighisyewutkökwa ompö pkiryot.

⁶Kukir chane kikirin Syemaya wero Netanel nyo pö pipö Lawi kïsïwïyi pöytoghintö nko yetïntin nko tïsin Sadok nko Aimelek wero Apyatar nko yetïntino kori ara tïsï nko pipö Lawi. Kikir kö pö chi akonga nyo ngwïno ara Eleasar nko anka nyo ngwïno ara Itamar

⁷Lata nyï wölo kikïtatïta ighisyewut pö söpïchis pö ortïn 24: 1. — Yeoyarip 2. — Yedaya 3. — Arim 4. — Seorim 5. — Malkicha 6. — Michamin 7. — Akos 8. — Apiya 9. — Yeswö 10. — Syekania 11. — Elyasyip 12. — Yakim 13. — Upa 14. — Yesyepeap 15. — Pilka 16. — Imer 17. — Asir 18. — Apises 19. — Petaya 20. — Yeeskel 21. — Yakin 22. — Kamul 23. — Delaya 24. — Maasiya.

¹⁹Kikikir pïchï kïrïp kegh nko ighisyewutkökwa cho kighöy ompö Kö pö Tororöt, cho kitowï kukötöngwa Aron lenyini kimwochï ECHOTYON Tororöt pö Israel.

²⁰Chï kï kintöghoghi ortïna pipö Lawi: Kiyï Amram Syepuel kïyï Syepuel Yedaya.

²¹Kiyï Reapia Isyia.

²²Kiyï Isar Syelomit, kïyï Syelomit Yaat.

²³Chï kï werpö Epron kïrïp kegh nko könyiswekwa: Yeria nko Amaria nko Yaasiel nko Yekameam.

²⁴Kiyï Usiel Mika, kïyï Mika Syamir.

²⁵Kiyï Isyia werto ompö Mika Sakaria.

²⁶Chï kï monïngo Merari: Mali nko Musyi nko Yasia.

²⁷Kitïng Yasia wor sömök: Syoam nko Sakur nko Ipri.

²⁸Kitïng Mali wor odeny: Eleasar nko Kis. Akimötïngnye Eleasar wor wölo kitïng Kis weri akonga nyo kikïkuro Yeramel.

³⁰Kitïng Musyi wor sömök, Mali nko Eder nko Yerimot. Chï kï ortïna pipö Lawi.

³¹Kigh pkiryot chi anka tïkwïl nyo ki wow ompö kongwa nko werïngwa nko werïngwa nyo mïnïng ighisyewutkökwa cho kikitö, kïle ato kigh werkökwa cho le tïsï cho pö ara Aron, kïsïwïyi pöytoghintö Daudi nko Sadok nko Aimelek nko yetïntino ortïn cho pö tïsï nko cho pö pipö Lawi.