Read pokoot 1 OTÖPTINO OSIS 25 Bible Online

1 OTÖPTINO OSIS 25 - pokoot bible

1 OTÖPTINO OSIS 25

¹Kikïl Daudi nko kintöghoghi pipö Lawi pïchï pö ara Lawi kuntöghoghchï ighisyo saghat: Asap nko Eman nko Yedutun. Chane cho kimwowu ngölyonto Tororöt ompö pïkantis nko tokigh. Chï kï pïchoni kikïkïl kuntöghoghchï saghat nko ighisyengwa nyo kighöy.

²Werpö Asap kwangwan: Sakur nko Yosep nko Netania nko Asyarela, Asap nyo kile kintöghoghintengwa akï nyinte nyo kimwowu ngölyonto Tororöt otini kömwochï pöytoghintö.

³Werpö Yedutun cho le mut nko akonga: Kedalia nko Seri nko Yesyaya nko Syimey nko Asyapia nko Matitia. Papongwa nyo kile kintöghoghintengwa, kimwowï chane ngölyonto Tororöt ato kipïtöy pïkantis akïtumöy akuyokyini ECHOTYON sörö.

⁴Werpö Eman cho le taman nko angwan: Pukia nko Mataniya nko Usiel nko Syepuel nko Yerimot nko Anania nko Anani nko Eliata nko Kidalti nko Romanti nko Eser nko Yospekasya nko Maloti nko Otir nko Maasiot.

⁵Kitö Tororöt Eman werkoyonto pöytoghin wor cho le taman nko angwan nko tïpïn sömök, kïle ato kiyomis nyinte atökutö owesyö Eman.

⁶Kilïwöy werkachi tokigh akïpïtöy pïkantis akï papongwa nyo kintöghoghchini ompö saghat Kö pö Tororöt.* Kighyongchini pöytoghintö Asap nko Yedutun nko Eman.

⁷Chane löwïr cho kikinet kï mi nko werkökwa pipö Lawi kïtumchï ECHOTYON akinkït kïtumöy nyoman kï 288.

⁸Kigh chane pkiryot otini kikitoni pich ighisyewut, ato kömïnïng anta wow anta nyo kikunkïtï anta nyo kötökutoröy.

⁹Kikïchagh pïchï le 288 kïrïp kegh nko ortïnekwa ompö söpïchis 24 cho pö pich taman nko odeny. Kikïtat chane le nyï ompö ighisyengwa: 1. — Yosep nyo pö ara Asap 2. — Kedalia 3. — Sakur 4. — Seri 5. — Netania 6. — Pukia 7. — Asyarela 8. — Yesyaya 9. — Mataniya 10. — Syimey 11. — Usiel 12. — Asyapia 13. — Syepuel 14. — Matitia 15. — Yeremot 16. — Anania 17. — Yospekasya 18. — Anani 19. — Maloti 20. — Eliata 21. — Otir 22. — Kidalti 23. — Maasiot 24. — Romamti Eser.