Read pokoot 1 OTÖPTINO OSIS 27 Bible Online

1 OTÖPTINO OSIS 27 - pokoot bible

1 OTÖPTINO OSIS 27

¹Chï kï kintöghoghi kori pipö Israel nko ortïn nko yetïntin cho kighöy ighisyo paytagh. Ompö arawa anka tïkwïl nyo pö köny, kimi pich cho le 24,000 cho kighöy Ighisyö ompö ngwïnyi yetïn pö lïk nyo pö kintöghoghinto arawanoni.

²Chï kï pich cho kile kintöghoghi aro: Arawa tagh: Yasyopeam wero Sapdiel nyo kipö ara Peres Arawa odeny: Doday wero Aoy akirïpöy nyinte Miklot Arawa sömök: Penaya wero Yeoyada nyo le tïsin (ki nyakan nyinte akï kintöghoghin nyo pö pich tömönut sömök, werïnyi kï Amisapad nyo kiker nyinte) Arawa angwan: Asael werto ompö Yoap, Sepadia werïnyi nyo kiker nyinte Arawa mut: Syamut wero Isara Arawa mut nko akonga: Ira wero Ikes nyo ngwïno Tekoa Arawa mut nko odeny: Eles nyo pö pipö Eraimin nyo ngwïno Pelon Arawa mut nko sömök: Sipekay nyo ngwïno Usya nyo pö ara Sera nyo pö pipö Yuda Arawa mut nko angwan: Apieser nyo ngwïno Anatot nyo pö pipö Penchamen Arawa taman: Maaray nyo ngwïno Netopa (kipö nyinte ara Sera) Arawa taman nko akonga: Penaya nyo ngwïno Piraton nyo pö pipö Epraim Arawa taman nko odeny: Elday nyo ngwïno Netopa wero Otniel

¹⁶Chï kï kaynötut pö pich cho le kirwokoti ortïna pipö Israel: [Or] — [Kirwokin] Rupen — Elieser wero Sikri Simion — Syepatia wero Maaka Lawi — Asyapia wero Kemuel Aron — Sadok Yuda — Eliu werto ompö pöytoghin Daudi. Isakar — Omri wero Mikael Saplon — Ismaya wero Opadia Naptali — Yeremot wero Asriel Epraim — Osyea wero Asasia Pipö Manase cho pö ta — Yoel wero Pedaya Pipö Manase cho pö kongasis — Ido wero Sakaria Penchamen — Yasiel wero Apner Dan — Asarel wero Yeroam.

²³Kimeyitnye Daudi pich cho kitïng könyis tömönut odeny kïrökwï, akwompö kiyomisöt nyo kilö ECHOTYON, “Oghan pipö Israel kïchangit le kokel.”

²⁴Kuyitisyö Yoap nyo kile yonyi Seruya, wölo melö kiwany. Kutö ECHOTYON sitöt pipö Israel akwompö kiyitötononi, kïlenyona melö kirote nyu pïchoni ompö kitapuna pöytoghin Daudi.

²⁵Chï kï pich cho kighyongchï tïpö pöytoghin Daudi: Töpotoni pöytoghin: Asmapet wero Adiel Töpotoni walaka: Yonatan wero Usia Ngorsyö: Esri wero Kelup Para sapipun: Syimey nyo ngwïno Rama Töpotoni dipay:* Sapdi nyo ngwïno Syepam Keti arol nko makany (ompö kutïngkoti ta): Paal Anan nyo ngwïno Keder Töpotoni mwaghpa orolwö: Yoas Tïch ompö tömko Syaron: Syirtay nyo ngwïno Syaron Tïch ompö mpöghoghöy: Syapat wero Adlay Tamasay: Opil nyo pö Ismael Sïkïröy: Yedaya nyo ngwïno Meronot Ngaror nko kechir: Yasis nyo pö pipö Akrit

³²Ki kirurin nyo ngöghom akï kikirin Yonatan, mamato pöytoghin Daudi. Kighyongchini kinetata werpö pöytoghin nyinte nko Yeiel wero Akmon.

³³Aitopel nyo kile kirurinto pöytoghin, kï kongo pöytoghin Usyay chi pö Arkit aki chi nyo ngöghom.

³⁴Kilïkwï kirurï Apyatar nko Yeoyada wero Penaya otini kirapas Aitopel. Kïlïkwï Yoap yetïn pö lïko pöytoghin.