Read pokoot 1 OTÖPTINO OSIS 4 Bible Online

1 OTÖPTINO OSIS 4 - pokoot bible

1 OTÖPTINO OSIS 4

¹Monïngo Yuda kï: Peres nko Esron nko Karmi nko Ur nko Syopal.

²Syopal kï papoto Reaya, papoto Yaat, papoto Aumai nko Laad, pipö Soratin chete.

³Monïngo Etam kï: Yesrel nko Isma nko Idpas nko cheptangwa Aseleponi.

⁴Kiyï Penuel Kedor, kiyï Eser Usya. Chete kï monïngo Ur poretya Eprata papoto Petleem.

⁵Kitïng Asyur nyo kitek kanasyanta Tekoa kor odeny, Ela nko Naara.

⁶Kiyichï Naara nyinte monïng angwan: Ausam nko Eper nko Temeni nko Aastari.

⁷Kïyichï Ela nyinte monïng sömök: Seret nko Isar nko Etnan.

⁸Kos kï papoto Anup nko Sopepa nko monïngo Aarel wero Arum.

⁹Kimi chi nyo kikïkuro Yapes nyo kikonyïtote kïtïl werkökwa, kïmïnchï kame kaynanoni ompöwölo kilö, “Kingwan nyoman otini kikïyiyöy.”

¹⁰Kïsagh Yapes Tororöt pö Israel kïlenchï, “Soyönante Tororöt aipörogh rotyotïnechan, töpenö nko ani ainategha kïgh anka tïkwïl nyo ipkanïn ghöyityö!” Kutö ECHOTYON nyinte kïgh nyo kisom.

¹¹Kitïng Kelup werto ompö Syua werïnyi nyo kikïkuro Meir. Meir kï papoto Eston

¹²nyo kitïng werkachi sömök, Petrapa nko Pasea nko Teina. Teina nyo kitek kanasyanta Naas. Kimang pïchete Reka.

¹³Kitïng Kenas wor odeny: Otniel nko Seraya, kitïng Otniel werko odeny: Atat nko Meonotay.

¹⁴Meonotay kï papoto Opra. Seraya kï papoto Yoap nyo kitek mpöghoghyo tekï, wölo kile tïngon pich.

¹⁵Kitïng Kalep wero Yepune wor sömök: Iru nko Ela nko Naam, Ela kï papoto Kenas.

¹⁶Kitïng Yealelel wor angwan: Sip nko Sipa nko Tiria nko Asarel.

¹⁷Kitïng Esra wor angwan: Yeter nko Mered nko Eper nko Yalon. Kwip Mered Pitia chepö Parao, kïyichï nyinte cheptö nyo kïkuro Miriam nko wor odeny, Syamay nko Ispa. Kitek Ispa kanasyanta Estemoa.

¹⁸Kiyiyï korkenyi nyo le chepö Yaudi Yered nyo kitek kanasyanta Kedor nko Eper nyo kitek kanasyanta Soko nko Yekutiel nyo kitek kanasyanta Sanoa.

¹⁹Kip Odia chepto ompö Naam. Kitek monekwa kanastinechï: pipö Karm, kanasyanta Keila, pipö Maaka kanasyanta Estemoa.

²⁰Kitïng Syimon wor angwan. Amnon nko Rina nko Penanan nko Tilon. Werpö Isyi kï: Soet nko Pensoet.

²¹Monïngo Syela wero Yuda kï: Er nyo kitek kanasyanta Leka nko Lada nyo kitek kanasyanta Maresya nko pipö ara pich cho kile tïngon cho kimöngöy kanasyanta Pet Aspea

²²nko Yokim nko pich cho kimang kanasyanta Kosepa nko Yoas nko Sarap cho kip tipö Moap akïmang Petleem. Ngalechoni kïpö köny.

²³Chane cho kile ighi tören cho pö pöytoghin, kimöngöy chane kanastina Netaim nko Kedera.

²⁴Kitïng Simion wor mut: Nemuel nko Yamin nko Yarip nko Sera nko Syaul.

²⁵Kitïng Syaul werïnyi nyo kikïkuro Syalum, Mipsam kï wero Syalum, Misma kï wero Mipsam.

²⁶Werpö Misma kï: Amuel nko Sakur nko Syimey.

²⁷Kitïng Syimey wor cho le 16 nko tipïn mut nko akonga, wölo kitïng werkökwa monïng cho ngörï, amelö kipöroyit ara Simion le ara Yuda.

²⁸Kimang monïngo Simion kanastinechï ntökïtenö kïpayta Daudi: Persyepa nko Molada nko Asar Syual

²⁹nko Pila nko Esem nko Tolad

³⁰nko Petuel nko Orma nko Siklak

³¹nko Pet Markapot nko Asarsusim nko Petpiri nko Syaaraim. Ki kanastinekwa choni ntökïtenö paytaghpa Daudi.

³²Kimang kanastine walaka tïkwïl cho mïnkech: Etam nko Ayin nko Rimon nko Token nko Asyan

³³nko kanastine cho mïnkech cho kiwitwit ntökwit kanasyanta Paalat okumpö ewu tagh kutang to. Chï kï kaynötut pö ortïnechoni nko wölo kimang chane.

³⁴Chï kï pich cho kile yetïntin ortïnekwa: Mesyopap nko Yamlek nko Yosya wero Amasya nko Yoel Yeu (wero Yosyipia wero Seraya wero Asiel) Elioenai nko Yakopa nko Yesyoaya nko Asaya nko Adiel nko Yesimiel nko Penaya Sisa (wero Syipi wero Alon wero Yedaya wero Syimri wero Syemaya) Ompöwölo kitösisyö chane,

³⁹Kïwï kutang ta, ato lekïto Kedor, kongasispa mpöghogh kïyarata wölo oketïyi kyakikwa,

⁴⁰kïnyorï chane wölo karam wölo oketïyi kyakï, kor nyo pöro akimi kalya nko payasat pich cho kimöngöy wöloni ato le tagh kï pipö Am.

⁴¹Kipa pïchoni ompö osiswo pöytoghin Esekia nyo pö Yuda akunyar Emeni nko kori pich cho kimöngöy korononi. Akïyon chane akïmang kore, ompöwölo kimito wölo karam wölo kyoketïyi kyakï.

⁴²Kïpa pikö walaka cho pö ara Simion cho le 500 kutang kongasispa Edom, kintöghoghchï chane werpö Isyi: Pelatia nko Nearia nko Repaya nko Usiel.

⁴³Kïpar chane pipö Amalek cho kingötï akïmang kore kïngeta atoni.