Read pokoot 1 OTÖPTINO OSIS 7 Bible Online

1 OTÖPTINO OSIS 7 - pokoot bible

1 OTÖPTINO OSIS 7

¹Kitïng Isakar wor angwan: Tola nko Pua nko Yasyup nko Syimron.

²Kitïng Tola wor mut nko akonga: Usi nko Repaya nko Yeriel nko Yamay nko Ipsam nko Syemuel, ki kikintöghoghi koriko papotïnekwa chane aki nyökon ompö osiswekwa. Ompö Osiswo pöytoghin Daudi ki 22,600 chane.

³Kitïng Usi weri akonga nyo kikïkuro Israiya. Chï kï werpö Israiya: Mikael nko Opadia nko Yoel nko Isyia aki kintöghoghi korikwa.

⁴Kitïng chane kor cho chang nko monïng cho chang, kumï chane kïkonï pich 36,000 cho pö poryot.

⁵Pipö ata Isakar nko tïlyayikwa löwïr cho kikikir cho kipö poryot kï 87,000.

⁶Kitïng Penchamen wor sömök: Pela nko Peker nko Yediael.

⁷Kitïng Pela wor mut: Espon nko Usi nko Usiel nko Yerimot nko Uri. Ki kintöghoghi korikwa ompö orengwa aki pipö lïk cho le nyökon. Kitïng chane pipö poryot cho le 22,034.

⁸Kitïng Peker wor mut nko angwan: Semira nko Yoas nko Elieser nko Elioenai nko Omri nko Yeremot nko Apiya nko Anatot nko Alemet.

⁹Piko arengwa cho kikir cho kimuköy kïpa poryot kï mïron 20,200.

¹⁰Kitïng Yediael weri akonga nyo kikïkuro Pilan. Kitïng Pilan wor mut nko odeny: Yeus nko Penchamen nko Eud nko Kenana nko Setan nko Tarsis nko Aisyaar.

¹¹Ki kintöghoghi korikwa ompö arengwa aki nyökon chane. Kitïng chane pipö poryot cho le 17,200.

¹²Kipö aranete Syupim nko Upim. Kitïng Dan weri akonga nyo kikïkuro Usyim.

¹³Kitïng Naptali wor angwan: Yasiel nko Kuni nko Yeser nko Syalum kiyiyï chane Pila.

¹⁴Kitïng Manase wor odeny cho kiyichï chemïnïngwö* nyo ngwïno koro Aram. Choni kï: Asriel nko Makir papoto Kiliad.

¹⁵Kïkensyechï Makir Upim nko Syupim. Kayneto cheptangwa kï Maaka. Wero Makir nyo pö odeny kï Selopead nyo kiyï tipïn opïn.

¹⁶Kiyï Maaka koko Makir wor odeny, Peres nko Syeres, kitïng Peres wor odeny, Ulam nko Rakem.

¹⁷Kitïng Ulam weri nyo kikïkuro Pedan. Chete löwïr kï monïngo Kiliad wero Makir wero Manase.

¹⁸Kitïng Amoleket chepto ompö Kiliad wor sömök: Isyod nko Apieser nko Mala.

¹⁹Werpö Syemida kï: Ayan nko Syekem nko Liki nko Aniam.

²⁰Chï kï monïngo Epraim: Syutela nko Pered nko Taat nko Eleada nko Taat

²¹nko Sapad nko Syutela. Kitïng Epraim werkö walaka odeny, Eser nko Elead cho kipar pipö Kat cho kikïyichï korononi, ompöwölo kipa kïchor tukakwa.

²²Kilok nyu Epraim osis cho chang akwompö werkachi, kïpka werkökwa kïsaghsagh nyinte.

²³Kïrï nko korkenyi, kïmirsyö akïyï weri, kïkuro nyinte Peria akwompö kömpölelyö nyo kinyorï chane.

²⁴Kitïng Epraim cheptö nyo kikïkuro Syera, nyo kitek Pet Oron wölo to nko wölo porö nko Usen Syera.

²⁵Kitïng Epraim werïnyi nyo kikïkuro Repa, chï kï werpö Repa: Resyep nko Tela nko Taan

²⁶nko Ladan nko Amiud nko Elisyama

²⁷Nun nko Yoswö.

²⁸Kor nyo kicheng chane akïmang kï Petel nko kanastinechi, ntökwit kongasispa Naaran nko Keser okumpö ta nko kanastinechi nko kanastina Syekem nko Aya nko kanastin cho kiwit.

²⁹Kinömunö kegh monïngo Manase kanastinechï: Pet Syan nko Tanak nko Mekido nko Dor nko kanastin cho mïnkech cho kiwit. Wölete wölo kimang monïngo Yosep wero Yakopo.

³⁰Chï kï werpö Asyer: Imna nko Ispa nko Ispi nko Peria nko cheptö akonga, nyo kikïkuro Sera.

³¹Kitïng Peria wor odeny, Eper nko Malkiel papoto Pirsait.

³²Kïtïng Eper wor sömök, Yaplet nko Syomer nko Otam nko cheptö akonga nyo kikïkuro Syua.

³³Kitïng Yaplet tïkwïl wor sömök. Pasak nko Pimal nko Aspat.

³⁴Chï kï werpö Syemer werïngwa: Roka nko Yeupa nko Aram.

³⁵Kitïng werïngwa Otam wor angwan, Sopa nko Imna nko Syeles nko Amal.

³⁶Monïngo Sopa kï: Sua nko Arneper nko Syual nko Peri nko Imra

³⁷nko Peser nko Od nko Syama nko Syilsya nko Itran nko Peera.

³⁸Monïngo Yeter kï: Yepune nko Pispa nko Ara.

³⁹Monïngo Ula kï: Ara nko Aniel nko Risia.

⁴⁰Chete löwïr kï monïngo Asyer. Ki yetïntino korikwa aki pipö poryot cho le nyökon akï kintöghoghï. Kitïng chane pipö poryot cho le 26,000.