Read pokoot 1 OTÖPTINO OSIS 9 Bible Online

1 OTÖPTINO OSIS 9 - pokoot bible

1 OTÖPTINO OSIS 9

¹Kikikir pipö Israel löwïr kïrïp kegh nko korikwa, ompö kitapu pöytoghi Israel. Akökikenam pipö Yuda akemït Papilon akwompö ngokikwa.

²Pich cho kinya kïmïlisyö wölo mi mïlatengwa kï Israel nko tïsï nko pipö Lawi nko pich cho kipöghisyegho Kö pö Tororöt.*

³Kïpa kïmang Yerusalem pipö ara Yuda nko Penchamen nko Epraim nko Manase.

⁴Utay wero Amiud wero Omri wero Imri wero Pani kï werpö Peres wero Yuda.

⁵Asaya nyo kile kintöghoghinto monïngo Syela wero Yuda nko kongwa.

⁶Yeuel nyo kile kintöghoghinto monïngo Sera wero Yuda, chane löwïr kï ki 650.

⁷Chï kï pipö Penchamen cho kimang Yerusalem: Salu wero Mesyulam wero Odapia wero Asenua Ipneia wero Yeroam Ela wero Usi wero Mikri Mesyulam wero Syepatia wero Reuel wero Ipnicha

⁹Chane löwïr kï 956 ompö arengwa nko korikwa. Akï kikintöghoghi korikwa.

¹⁰Chï kï tïsï cho kimang Yerusalem: Yedaya nko Yeoyarip nko Yakin Asaria wero Ilkia nyo kiwowö Kö pö Tororöt (nyinte kï wero Mesyulam wero Sadok wero Merayot wero Aitup) Adaya wero Yeroam wero Pasyur wero Malkicha nko Masay wero Adiel wero Yasera wero Mesyulam wero Mesyilemit wero Imer

¹³Tïsï cho kile kintöghoghi ortïn kï ki 1,760. Kinkït chane ighisyö anka tïkwïl nyo kimi Kö pö Tororöt.

¹⁴Chï kï pipö Lawi cho kimang Yerusalem: Syemaya wero Asyup wero Asrikam wero Asyapia nyo pö ara Merari Pakpakar nko Eres nko Kalal Mataniya wero Mika wero Sikri wero Asap Opadia wero Syemaya wero Kalal wero Yedutun Perekia wero Asa wero Elkana nyo kimang kanasyan nyo kipö Netopat.

¹⁷Chï kï pich cho kiripöy Kö pö Tororöt cho kimöngöy Yerusalem: Syalum nko Akup nko Talmon nko Aiman, akï Syalum nyo kile kintöghoghintengwa.

¹⁸Ompö osiswechoni, kiripöy piko arengwa kukot cho kimi kongasispa Kö pö Tororöt wölo kilïtoy pöytoghintö, chane cho kiripöy kukoti wölo kïlïtoy wölo möngöy pipö Lawi.

¹⁹Syalum wero Kore wero Epiasap nko pikökwa cho pö ara Kora cho kiripöy kukat nyo kikïlïtöy tökepa wölo mi Ema nyo mi ECHOTYON,* le papotïnekwa cho kiripöy möngo ECHOTYON.

²⁰Pineas wero Eleasar nyo kintöghoghchini pich cho kiripöy kukat ato le tagh akimi ECHOTYON nko nyinte.

²¹Kiripöy tïkwïl Sakaria wero Mesyelemia kukat nyo kikïlïtöy kepetöy Ema nyo mi ECHOTYON.

²²Ki 212 pich cho kikïkïl kïlïkwï ripi kukot. Kikikir chane kïrïp kegh nko wölini möngöy pöytoghin Daudi nko werkoyon Samwel nyo kitö papotïnekwa ighisyononi.

²³Chane nko monekwa cho kitas tagh kïrip kukot cho kïlïtoy Kö pö Tororöt.

²⁴Kimi kukat nyo kipörtoy wop tïkwïl: okumpö ewu löt nko okumpö ewu tagh nko kongasis nko ta, akimi ripin nyo wow kukat anka tïkwïl.

²⁵Kingöroköy chane pikökwa cho kimi keston kïwöghököy kegh nko chane ompö osis mut nko odeny.

²⁶Ripichay echön ompö kukotichay le angwan, kï pipö Lawi akikitö chane kughyongchï korïn ompö Ema nko tïkwïn cho kikïrorchï wöloni.

²⁷Kimang chane atolekïtö Kö pö Tororöt ompöwölo chane cho kiripöy akïyotöy tökwoghö chik.

²⁸Kiripöy pipö Lawi walaka karïn cho kikïpöghisyegho ompö saghat, ki chane cho kiyitöy otini kakïcheng nko otini kiyoku.

²⁹Kiripöy walaka karichay tïlilöch nko pïsyechay kinyöryö nko dipay* nko mwagh nko mankoychay ngutoy cho onyïn nko tïku walaka cho ngutoy cho onyïn.

³⁰Wölo ki tïsï cho kinyornyoryot tïkuchay ngutoy cho onyïn.

³¹Chi pö Lawi nyo kikuro Matitia, nyo le poretya Syalum nyo pö ara Kora nyo kighöy Makatin cho töwörör.

³²Ki pikökwa cho pö ara Koat cho kighöy makatin cho pö osiswo Sapato.*

³³Ki pipö Lawi walaka cho kighyongchini tumöt, kimöngöy chane korïn cho mïnkech ompö Kö pö Tororöt, akimeghönye chane ighisyö anka, ompöwölo kipöghisïyi oghö nko pöghet.

³⁴Pïchete kï kintöghoghi kori pipö Lawi ompö ortïnekwa, kimöngöy chane Yerusalem.

³⁵Kitek kanasyanta Kipyon akïmang, kikïkuro korkenyi Maaka.

³⁶Kekuro poretyenyi Apdon, werkachi walaka kï: Sur nko Kis nko Paal nko Ner nko Nadap

³⁷nko Kedor nko Aio nko Sakaria nko Miklot

³⁸papoto Syimea. Kimang monekwa Yerusalem atolekïtö piko arengwa.

³⁹Ner kï papoto Kis, Kis kï papoto Saulö, kitïng Saulö wor angwan: Yonatan nko Malkisyua nko Apinadap nko Espaal.

⁴⁰Yonatan kï papoto Meripaal nyo kile papoto Mika.

⁴¹Kitïng Mika wor angwan: Piton nko Melek nko Tarea nko Aas.

⁴²Aas kï papoto Yara nyo kile papoto Alemet nko Asmapet nko Simri, Simri kï papoto Mosa.

⁴³Mosa kï papoto Pinea, Pinea kï papoto Repaya, Repaya kï papoto Eleasa, Eleasa kï papoto Asel.

⁴⁴Kitïng Asel wor mut nko akonga, Asrikam nko Pokeru nko Ismael nko Syearia nko Opadia nko Anan.