Read pokoot 2 OTÖPTINO OSIS 23 Bible Online

2 OTÖPTINO OSIS 23 - pokoot bible

2 OTÖPTINO OSIS 23

¹Wölo nyini kitïta könyis mut nko odeny kïnam sirmoy tïsin Yeoyada, kïkur kighyongtoghi lïk cho le mut: Asaria wero Yeroam, Ismael wero Yeoanan, Asaria wero Oped, Maaseya wero Adaya nko Elisyapati wero Sikri, kïnam pkiryot nko nyinte.

²Kïpa kïghömï koro Yuda kïmïkul kïghömïtotoy pipö Lawi ompö kanastin nko kintöghoghi pipö Israel kïpa Yerusalem.

³Kwam tuyononi kïmïkul nko pöytoghin muma* ompö Kö pö Tororöt. Kïlenchï Yeoyada chane, “Akanya kïpayta wero pöytoghin kïrïp kegh nko kiyomisut pö ECHOTYON cho kiyomisï yiyo Daudi.

⁴Anyï kïgh nyo opetekwa oghöy ato kachaghakwa kegh alïkwï söpïchis sömök. Ripöy söpïch akong tïsï nko pipö Lawi chona opöghisïyi ompö asispa Sapato,* oripekwa kukot.

⁵Kïrip söpïchtö anka kö pö pöytoghin. Kïrip söpïchtö nyo köngötï Kuka Pölöw. Supchini kegh nyu pich löwïr kiroryo Kö pö Tororöt.

⁶Makany kïlïtï chi anka tïkwïl Kö pö Tororöt kïpoto tïsï opïn nko pipö Lawi cho pöghisïyi lïtu chane ompöwölo tïlilöch. Wölo Rïpöy pich löwïr kirurutyo ECHOTYON.

⁷Riköy pipö Lawi pöytoghin, akïnömo anka tïkwïl karichi egh akï chi anka tïkwïl nyo työmöy lö, olïtu Kö pö Tororöt kepöröy. Otïpïyokwa nko pöytoghin ompö wop anka tïkwïl wölo wetöy.”

⁸Kwigh pipö Lawi nko pipö Yuda löwïr kïrïp kegh nko wölo kimwayta tïsin Yeoyada. Kumïtï kighyongtoghintö anka tïkwïl pikachi löwïr cho pkonöy kïpöghisïyi ompö asispa Sapato nko cho kikikuwany nyingwa pöghisye, ompöwölo möchömchïnye tïsin Yeoyada kïmarta ripichoni.

⁹Kutö tïsin Yeoyada kighyongtoghichoni ngötwö nko longoy nko möronkit pö pöytoghin Daudi, cho kirorote ompö Kö pö Tororöt.

¹⁰Kutö ripï cho kitïng chokon kuwit tawu Kö pö Tororöt atökïrip pöytoghin.

¹¹Atolapay kepïsï wero pöytoghin kïlïtï sany akelokyï kopïyö paytagh aketö palalyan nyo kikikirchï ngala paytagh. Kwigh nyinte kïlïkwï pöytoghin, kuyila Yeoyada nko werkachi mwagh akuteghyö lö, “Itöpö nyo kogh, we pöytoghin.”

¹²Nyini kilïm pöytoghintö Atalia kighumöto pich cho kiryöghotoy akï sölöy pöytoghin, kïwö kutang wölini le Kö pö Tororöt mi pich.

¹³Otini kilö aros kïsïwa pöytoghintonay rel kughyongo pchörinyi nyo kimi kukat kïmi kighyongtoghi lïk nko kuti kontin kamasu pöytoghin, akimi pipö kore löwïr kulïlighöy akïkutöy kontin, akimi tumï nko kari tumï kuntöghoghchini pich ompö ichontönoni. Kïkarer Atalia sïrokachi ompö ngwonïn akuta lö, “Waghakat! Waghakat!”

¹⁴Atolapay kïyonï tïsin Yeoyada kighyongtoghi lïk kïlïtï sany akïlenchï chane lö, “Angwïsunena kwenu pipö lïk akwoto rïpï chi anka tïkwïl nyinte apara rotwo chok,” ompöwölo kimwa tïsin lö, “Mopörchï nyinte Kö pö Tororöt.”

¹⁵Kïlenyona kenam nyinte akeretö ntökwit apuke nyo lïtöy angoletinö nyo wetöy kö pö pöytoghini, kepörchï atoni.

¹⁶Kwam Yeoyada muma, akwam pich tïkwïl nko pöytoghin lö, lïku chane pipö ECHOTYON.

¹⁷Atolapay kïpa pich löwïr kutang wölo mi kö nyo kikïsogho Paal* akïwir kïrul akunyarnyar kïlïku mïrngany ato kïpelo amörostin nko körkeyïntinechi akï par Matan tïsinto Paal kïpörchï tawu ato kïpelo amörostin.

¹⁸Atolapay kutö tïsin Yeoyada ripï kïrip Kö pö Tororöt. Kighyongchini tïsï cho kile pipö Lawi ripichoni nko pipö Lawi cho kikitötyï Daudi chane pöghisyononi pö ripöto Kö pö Tororöt, atö kutöni ECHOTYON amörostin cho kïpelöy le wölo kikikirta ompö kirurut pö Musa, ompö kilïliyöt nko tumwöy kïrïp kegh nko ngölyonto Daudi.

¹⁹Kutö ripi kukat kïrip kukat nyo lïtöy Kö pö Tororöt atömölït chi anka tïkwïl nyo le Sïmnyon ompö or anka tïkwïl.

²⁰Kumït Yeoyada kighyongtoghi pipö lïk nko pich cho pö konyït nko kirwokot nko piko kore kïmïkul kïpa kumït pöytoghin kïngetunö Kö pö Tororöt. Kïlïtöy apuke nyo mi are kuntoka kïnomnyotö tökurel kö pö paytagh. Ketö nyu pöytoghin kïtöpö ngacharu paytagh.

²¹Kïlenyona kïngörekyö piko kore kïmïkul akïsï kanasyanta ompöwölo kikïpar Atalia.