Read pokoot 2 OTÖPTINO OSIS 4 Bible Online

2 OTÖPTINO OSIS 4 - pokoot bible

2 OTÖPTINO OSIS 4

¹Kwigh ngat ato kïpelo amöros kari taghoy nyo le miten mut nko angwan wölini nko wölini nko miten angwan nko nïsï kutoch.

²Atolapay kwigh tanki nyo kitïng, miten angwan nko kwen kïngeta söröm anka ntökwit söröm anka aki miten odeny ketor odeny nko mut koghïntanyi kughyö, akitïng miten taman nko sömök nko kwen kuwit.

³Kimi körkeyïntinö cho pö eghin ngwïnyito mirut nko nömi cho kiwit kuryam, cho kile tapan taman cho pö egh cho kiwit ngarpïlunoni, kikitany eghinechoni kwodeny nko ngarpïlu.

⁴Kighyongö ngarpïlunoni körkeyïntino eghin taman nko odeny kipörtoy sömökï okumpö löt, kïpörtoy sömökï wölnö röytoy asis, kïpörtoy sömökï ewu tagh, kïpörtoy sömökï kong asis, kighyongö ngarpïlunoni parakungwa, kimi töronkwöyikwa tïkwïl ori.

⁵Ki karkegh töpesïntanyi nko tïrusyenyi, kikigh mïrutyenyi le kuti mpalaw nko tapïkyan nyo keper kitököghöy ngarpïlunoni pögh liten 60,000.

⁶Kigh ngat atekeray taman cho echön kïmwötisyegho, kutö mut ewu tagh akutö walak mut ewu löt, atö kepöghisyeghö kemwata karïn cho kikïtïsisyegho wölo kipöghisyegho tïsï ngarpïlu kïmwöto kegh.

⁷Kigh orïmo koltin nyo kisoch taman, akïsötyï wölo kitömöy kïrïp kegh nko wölini kikïmwochï kwigh tïkuchoni kulut Kö pö Tororöt* ori, mut okumpö tagh kïlö mut okumpö löt.

⁸Kigh ngat mesen taman akulut Kö pö Tororöt ori, mut okumpö tagh kïlö mut ewu löt. Atolapay kwigh otupöy 100 cho pö koltin.

⁹Kiwach ngat kasaru tïsï nko kasar nyo wow, kwighchï kukot akuluma kukotkö kari taghoy.

¹⁰Kitö ngarpïlu kïtöpö ewu tagh kïparta okumpö kongasis kuros wölnö katankulegha Kö pö Tororöt.

¹¹Kigh Uram tören nko kölöpöchtin cho echön cho pö karïn, akwigh otupöy. Kïlenyona kuwany Uram ighisyenyi nyo kighchini pöytoghin Solomon ompö Kö pö Tororöt. Choni kï: pchörin odeny otupöy odeny cho le mötöwo pchörinechoni kari walaka odeny cho pö netin cho kiyen otupöyichay kari taghoy 400 cho lata makomanka cho kikïchagh kïnyïl odeny akemina netinechay, aketö paraku otupöyi kwodeny nkarin taman nko pakulinekwa tanki nko eghina taghoy taman nko odeny cho tighöy tanki tören nko kichikeni ngayam nko umen Kigh Uram tören nko akölöpöchtino karïn nko sartin cho pö karïn cho kïrïtuno pany nko tïkwïn cho kigh kwighchï pöytoghin Solomon kïpöyit Kö pö Tororöt, kigh kari tapok cho kikïsit.

¹⁷Kigha pöytoghintö tïkuchoni mïnta tömko Yordan nyo kimi kwenu Sukot nko Sereda.

¹⁸Kigh Solomon tïkuchoni löwïr kïnyam ompöwölo kimenkïtnye chi nïkisyo kari tapok.

¹⁹Tïkwïn löwïr cho kighchï Solomon Kö pö Tororöt, kï ato kïpelo amöros nyo pö koltin nko mesen cho pö makatin cho kipöy tawu ECHOTYON.

²⁰Kigha koltin kelyeto orïmonay kisoch taman cho kinoghöy tökïlöpochï Wölo Tïlil Tya* le otini kikïmwa.

²¹Kigha tapïkokö nko orïmonay kisoch taman nko kitömöwekwa koltin cho pïchighöch nko,

²²makasin cho risöy tatïn walay nöghsot nko otupöy cho mïnkech nko akölöpöchtin nko tören cho kipo ma. Kikigha choni löwïr koltin cho pïchighöch. Kikiluma koltin cho pïchighöch kukoti Kö pö Tororöt nko kukoti cho pö ori cho kïlïto Wölo Tïlil Tya.