Read pokoot 2 OTÖPTINO OSIS 7 Bible Online

2 OTÖPTINO OSIS 7 - pokoot bible

2 OTÖPTINO OSIS 7

¹ Nyini kiwang Solomon saghatenyi, kïrökunö ma yïm akïpel ropöwechay kïpelöy löwïr nko amörostine akïnyïghï ororyo ECHOTYON köyay pö Tororöt.

²Memukyïcha tïsï ntö kïlït köyoni ompöwölo kinyïghitate ororyo ECHOTYON köyoni pö saghat.

³Otini kisïwa pipö Israel löwïr ma kïröku nko ororyo ECHOTYON nyo kilum Kö pö Tororöt, kungïrukisyö ompö otini kighyongo ntökïswany tokochwekwa ngwïny akïsagh kïpïrchï ECHOTYON sörö kïlentöy, “Karam ECHOTYON nyoman, pö kokay chomnyenyi.”

⁴Atolapay kïropta pöytoghintö nko pich löwïr amörostin ompö tawu ECHOTYON.

⁵Kitötö pöytoghintö Solomon eghin cho le 72,000 akutötö kechir cho le 120,000 le ropöwo pöghisyö. Kigh lenyoni pöytoghintö nko pipö Israel löwïr, kusoyönöy Kö pö Tororöt.

⁶Kighyö tïsï kïrïp kegh nko wölo kightoy chane ighisyö nko pipö Lawi cho kitïng pïkantis cho kikïtumchinegho ECHOTYON cho kigh pöytoghintö Daudi cho kiyokyinegho ECHOTYON sörö, ompö chomnyenyi nyo pö kokay otini kipïtöy Daudi kutötoy sörö ompö onkuntö anka, kïmi tïsï kïkutöy kontin akighyongöy nyu Israel kïmïkul.

⁷Kutïlil ngat Solomon kö nyo mi kwenu tawu Kö pö Tororöt, ompöwölo atoni ato kitötegho amörostin cho kipelöy nko sunet kïlïkwï ropöwo pöghisyö. Kigha lenyoni ompöwölo kimömïchïnye watwechay pö tïsï kigh Solomon kwigha taghoy cho pïröch ropöw cho kïpelöy nko ropöwo pagh nko sunet.

⁸Kigh nyu Solomon Ichon pö Tunkun osis taman nko angwan nko pipö Israel löwïr, nyoryogh nyo wow nyoman, kïngeta Amat ntökwit lalwa Misri.

⁹Ato mi asis nyo pö mut nko sömök kwigh nyoryogh nyo pö rïngata kegh ompöwölo kökikutïlil ato kïpelo amöros ompö osis mut nko odeny.

¹⁰Ato mi asis nyo pö 23 nyo pö arawa mut nko odeny kïmwochï Solomon pich kïrot kestonikwa ompö ngörekyö nko turönöt ompöwölo köromnyö nyo kighchï ECHOTYON Daudi nko Solomon nko pipö Israel löwïr.

¹¹Kïlenyona kuwany Solomon tekata Kö pö Tororöt nko kö pö pöytoghin nko kïgh anka tïkwïl nyo kikikïtat lö, oghöy ompö Kö pö Tororöt nko konyi, kikikwigh tïkuchoni löwïr.

¹²Kuchumchï ECHOTYON, Solomon oghö akïlenchï, “Kyalïman saghatengu akakïlan yeteyi kïlïkwï kö nyo pö amöros.

¹³Atö akaran yïm kupot rop anta oyonchan talamnya kor anta otönön pikachu sömew.

¹⁴Ato rïng kegh piköchan cho kïkurtegho kaynenyan akïsagh akïyaranïn akïpïstö otöptinekwa cho ghach, olïman nyu ompö yïm alöstoghchan ngokikwa asopön korengwa.

¹⁵Sïwïyi nyu konyichan akïter yitichan saghat nyo kïsogho yeteyi.

¹⁶Ompöwölo ye kyakïlan atïlil köyï atökïtöpö atoni kaynenyan kokay, rosöy nyu konyichan akï töpo mïkulöwunyan atoni osis löwïr.

¹⁷Ato iwesteghenyi tawunyan le wölo kiwesteghö papongu Daudi aigh tïkwïn löwïr cho komwowunyi airip kirurutköchan nko kirwokutköchan,

¹⁸ ochïchïman nyu ngacharungu pö paytagh, le wölo kyoyomistan kegh nko papongu Daudi lö, ‘Mörörtochininyinye chi nyo pöytoy Israel.’

¹⁹Wölo ato amastekwa kamas apïstö kinetutköchan nko kirurutköchan chï kyokonokwa apa opöghisyechï asagh tororötin walak,

²⁰ongwïsokwa angetena korononi kyokonokwa nko köyï kyotïlilchan kaynenyu, owirtonan ompö tawunyan, aghan nyu kwama pich löwïr kelat.

²¹“Akwompö köyï syolote kikitïngchï le nyï kïtöngönchini chi anka tïkwïl nyo weröy yete akïlentöy, ‘Ompö ne tökwighchï ECHOTYON koronï nko Köyï kïgh nyo lenye nyï?’

²²Mwoghöy nyu chane lö, ‘Ompöwölo kipïstö ECHOTYON Tororöto kukötinekwa nyo kimïtuna chane koro Misri akughan asagh akïpöghisyechï tororötin walak. Kïlenyona kwipchï nyu ECHOTYON chane ghöyityonï lenye nyï.’ ”