Read pokoot ESRA 10 Bible Online

ESRA 10 - pokoot bible

ESRA 10

¹Otini kitö kïmi Esra kisoghöy akïriröy akïkïtïngöy ompö tawu Kö pö Tororöt,* kighömïtyï kegh wölo mi nyinte söpïch nyo wow nyo pö mïrön nko kor nko monïng cho pö pipö Israel cho kiriryot ompö ngwonïn.

²Kïlenchï Syekania wero Yeiel nyo pö ara Elam Esra, “Kikepenyacha ngala Tororötïnyo otï kakipöcha tipi puntonichï möngöy koronï. Wölo kïrkegh kïlenyoni kïtö kïmi kikönötö Israel.

³Kïlenyona kyama muma* nko Tororötïnyo lö, kïyonecha koruchï löwïr nko monekwa. Kighecha lenyini kemwaghanyi nko chane cho wöghöy kirurut pö Tororöt akany kegh kïrïp kegh nko kirurutchoni.

⁴Ngeta aigh lenyoni, kïmitecha tïkwïl nko nyi mewöghisyö inyakanitï.”

⁵Kughyö nyu Esra akwigh yetïntino tïsï nko pipö Lawi nko cho pö Israel löwïr kuwalwal lö kighöy lenyoni kamwa Syekania.

⁶Kïlenyona kïngeta Esra tawu Kö pö Tororöt akïwö kö pö Yeoanan wero Elyasyip nyo mi körköru köyoni, wölo kiwö kïrï amelö kyam kïgh anta gha pögh. Kimi lok ompöwölo kïpïstö Tororöt pïchay kimïlisyeghö pïnotön.

⁷Keyonta kut kïghömï koro Yuda nko Yerusalem, kemwochï pïchay kimïlisyeghö pïnotön löwïr kïpka Yerusalem.

⁸Ato chi nyo mengwïnye ompö osis sömök, kechengo tïkuchi löwïr aketagha nyinte kïtöpö nko nyoryo pïchay kimïlisyeghö pïnotön.

⁹Kighömïtyï kegh Yerusalem löwïr pipö Yuda nko cho pö Penchamen ompö osis sömök. Ki asispa 20 nyo pö arawa mut nko angwan. Kïtuyechï pich löwïr kuka Kö pö Tororöt sany. Kipotonchö chane ompö ngalechoni nko ompö rop nyo wow.

¹⁰Kughyö Esra akïlenchï chane, “Kyalelakwa otï kopökwa tipö punton atösyï Israel ngokï.

¹¹Anganytena ngokikwo ye nyu ompö tawu ECHOTYON Tororöt pö papotïnekwo agh machatenyi. Amala kegh ompö pipö koronï, ayon tipikwa cho kyopökwa.”

¹²Atolapay kughan nyoryonay kïmïkul ompö kut nyo wow lö, “Nya kïlenyoni. Kighecha lenyoni kemwaghanyi.

¹³Wölo chang pïchï akwanyï ropönöy, melö kighyongocha sany nyo kogh. Amelö pö ighisyonï asis akonga anta odeny, ompöwölo kikelelacha nyoman ompö ngalechï.

¹⁴Kekanya kïtïpï kintöghoghicho Yerusalem cho rosöy ngalechï. Aikany kïpkana kanastinecho pich löwïr cho kip tipi punton ompö osiswechini kökïmwochinö akïpka nko poy nko kirwokot ompö kanasyan anka tïkwïl. Ato kigh lenyoni kuwonyot nörekyo Tororöt nyo pö ngalechï ompö acha.”

¹⁵Kïcham pïchay löwïr lenyoni kïpoto Yonatan wero Asael nko Yaseya wero Tikpa cho kitiyö, akungarak chane Mesyulam nko Syapetay nyo le chi pö Lawi.

¹⁶Kïcham lenyini pïnotchay kimïlisyö, atolapay kïkïl Esra nyo le tïsin pich cho le poyi korïn kïrïp kegh nko ortïnekwa akukir kaynötutkökwa. Kïtuyö chane asispa tagh nyo pö arawa taman atökuros ngalechay, otini kitïta asispa tagh

¹⁷nyo pö arawa tagh, kuwany nyu ngala pïchay löwïr kip tipi punton.

¹⁸Achï kaynötut pö pich cho kip tipö punton: Ara Yoswö wero Yosadak nko werkökwa: Maaseya nko Elieser nko Yarip nko Kedalia.

¹⁹Kimwa chane lö kïyonöy korukwa akïkonï makal nyo tïso kegh.

²⁰Ara Imer: Anani nko Sepadia

²¹Ara Arim: Maaseya nko Eliya nko Syemaya nko Yeiel nko Usia

²²Ara Pasyur: Elioenai nko Maaseya nko Ismael nko Netanel nko Yosapad nko Elasa Yosapad nko Syimey nko Kelaya (kaynenyi anka kï Kelita) nko Petaya nko Yuda nko Elieser

²³Yosapad nko Syimey nko Kelaya (kaynenyi anka kï Kelita) nko Petaya nko Yuda nko Elieser

²⁴Elyasyip Syalum nko Telem nko Uri

²⁵Ara Paros: Ramiya nko Isiya nko Malkicha nko Michamin nko Eleasar nko Malkicha nko Penaya

²⁶Ara Elam: Mataniya nko Sakaria nko Yeyel Apdi nko Yeremot nko Eliya

²⁷Ara Satu: Elioenai nko Elyasyip nko Mataniya nko Yeremot nko Sapad nko Asisa.

²⁸Ara Pepay: Yeoanan nko Anania nko Sapay nko Atlay

²⁹Ara Pani: Mesyulam nko Maluk nko Adaya nko Yasyup nko Syeal nko Yeremot

³⁰Ara Paat Moap: Adna nko Kelal nko Penaya nko Maaseya nko Mataniya nko Pesalel nko Pinuy nko Manase

³¹Ara Arim: Elieser nko Isyicha nko Malkicha nko Syemaya nko Syimeon nko Penchamen nko Maluk nko Syemarya

³³Ara Asyum: Matenay nko Matata nko Sapad nko Elipelet nko Yeremay nko Manase nko Syimey

³⁴Ara Pani: Maaday nko Amram nko Uel nko Penaya nko Pedeya nko Keluy nko Paniya nko Meremot nko Elyasyip nko Mataniya nko Matenay nko Yaasu

³⁸Ara Pinuy: Syimey nko Syelemia nko Natan nko Adaya nko Maknadepay nko Syasyay nko Syaray nko Asarel nko Syelemia nko Syemarya nko Syalum nko Amaria nko Yosep

⁴³Ara Nepo: Yeiel nko Matitiya nko Sapad nko Sepina nko Yaday nko Yoel nko Penaya

⁴⁴Kip pïchï löwïr tipi punton, wölo kayon ye nko monïnge.