Read pokoot ESTA 6 Bible Online

ESTA 6 - pokoot bible

ESTA 6

¹Melö kingwïnchï rïwöntö pöytoghin oghononi, kïlenyona kïmwatïta kepchï nyinte kitapï nyo kikikirchï ngala otöptino osis akesomön chï nyinte.

²Kenyorï ato kikikir lö, kinganyta Mordekay rïmï odeny Paktana nko Teres. Kimököy chane kïtïghöy pöytoghin aki pïchoni kwodeny le latan* cho kiripöy kuka ka pöytoghin Aasuero.

³Kïtep pöytoghintö lö, “Kikitö konyït ne anta ropöwon ne Mordekay ompö kïyoni kigh?” Kuyokyï mötworichi lö, “Möminye kïgh nyo kikeghchï Mordekay.”

⁴Kïtep pöytoghinto lö, “Akïmi ngo kiroryonay kïripsyegho?” Kitökïlïtu Aman atoni kiroryo ka pö pöytoghin okumpö sany. Kingwïnöy kïmwochini pöytoghin keket Mordekay ompö ketay kikikwigh nyinte.

⁵Kïmwochï mötworichi lö, “Mi Aman kiroryengu yi.” Kïlö pöytoghintö, “Amïtuna kïlïtï ori.”

⁶Kïlenyona kïlït Aman köyay, kïlenchï pöytoghintö, “Kighchini ne nyo mökoy pöytoghinto kikonyïtöy nyoman?” Kimi Aman kilenchini kegh, “Ngo anka nyo ngörokyini pöytoghintö akïkonyït kïtïlanïn?”

⁷Kïlenchï nyu Aman pöytoghin, “Mwatïtena kepï sïro pö paytagh atökelokyï chichoni sïrochini kelokenyi nyinte, aimwatïta kekötï angole nyo keweghonyi kïnomnyö nyo kiketö mötïnyi tenta.

⁹Atolapay itö chi akonga ompö piköku nyo konyïtote tya, kulokyï chichoni sïro akumït nyinte kïwö kïlany angolenay akumït kïkarempan kanasyan kwen. Aikany kïmwatïta chichini konyïtote tya kïmwaghata otini wetöy, ‘Asïwena wölo idoy pöytoghintö chi nyo ngörökyini akïmököy kïkonyïtöy!’ ”

¹⁰Kïmwochï nyu pöytoghintö Aman lö, “Wïyö lawel aip sïrokö nko angoletö lenyini kemwaghanyi aiwö ighchï Mordekay, chi pö Yaudi nyo töpo kuka pöytoghin tïkuchoni pö konyït, amepakachta kïgh nyo le ompö akonga ompö tïkuchoni kemwaghanyi.”

¹¹Kwip nyu Aman sïrochay nko angoletö akulokyï Mordekay sïrokö. Kïwö Mordekay kïlany angolenay, kïmi Aman kuntöghoghchini nyinte kuwer kwenu kanasyan akïmi kïmwochini pich otini wetöy lö, “Arose wölo idoy pöytoghinto chi nyo ngörökyini akïmököy kïkonyïtöy.”

¹²Kïmïla Mordekay ngat ara pöytoghin. Wölo kuperta Aman kïwö katanyi akuyenotoy mötïnyi ompö arasï.

¹³Kwomchï Aman korkenyi nko kongotichi ngal löwïr cho kighisyö ompö nyinte. Kïmwochï nyu korkenyi nko kongotichi cho ngöghomöch Aman lö, “Ato chi pö Yaudi Mordekay nyo ketorö chïntaghtöngu, kïmemukenyinye rïntena nyinte kokay akewonyenyi nyo mötïny.”

¹⁴Otini kitökïmi chane kïngölonöy, kwitï latan cho kiripöy ka pöytoghin akïpka kumït Aman lawel tökïwö kwam omisyo Esta.