Read pokoot AYUPU 18 Bible Online

AYUPU 18 - pokoot bible

AYUPU 18

¹Atolapay kuyokyï Pildad nyinte lö,

²“Isyowenyi ngal nkoyï nya? Nonchine atolapay kengalanacha.

³Ompö ne teghechanyi le tïch? Ompö ne teghechanyi sölwöy ompö tawungu?

⁴Kenyarenyi kegh nörekyengu onkït. Ayo, kïpïstoy ngwïny kïlïkwï kïratyan anta kinotegho ghatoy ompö nörekyengu?

⁵ “Ay kimisöy löpoyïn pö mwokïyis amökïwotonye lyopötenyi.

⁶Tuwitu löpoyïnto konyi akumisö kitömöwontö nyo mi parakunyi.

⁷Melö tökïmi tïkilyö kelyechi akuchuntoy nyinte tötutkachi.

⁸Ompöwölo ipöy kelyechi nyinte kïlït net, akwotini westoy muköy kelyechi kïlït ngötut.

⁹Nömöy nyu nyinte pörköyö kel akukich lö kïng.

¹⁰Kikiloka nyinte pörköyö nyo kikïtïpchï ngwïny kiketö pörköyö arenyi kïnam nyinte.

¹¹“Möminye wölo mö kyotyegho nyinte akeyonata kepïrpïr.

¹²Söro kömöy owesyenyi syepöy nyarïl nyinte kwam.

¹³Chimöy sömewö portanyi nyöghöy sömewö nyo gha ngichayayichi.

¹⁴Kimsöruno nyinte konyi nyo kemontoy kegh akerechï pöytoghinto otyogh.

¹⁵Wuchini chitö anka konyi nyo le kïratyan kïsotsoto möngenyi koghïn cho nöghsot.

¹⁶Yomsot ighinkachi ompö ori akïyomö sökechi.

¹⁷Möminye chi nyo nonöy nyinte ompö ngwïny wutyegho pich kayne nyi ompö kor.

¹⁸Kïngwïso nyinte löpoyïn aketorchï tuwïn kitulöy kupotö ngwïny lö weng.

¹⁹Mönyorunye worö anta kukötin amelö ngötuno chi nyo söpöy wölo möngöy nyinte.

²⁰Töngönyöy pipö okumpö ta akïchïrïmnyö cho pö okumpö kongasis, lö ki kïgh ne nyï kïchumchï nyinte.

²¹Nyoni kï sörömu pich cho mewöghöcha Tororöt akïwetöy lenyoni chi nyo memontonye kegh Tororöt.”