Read pokoot AYUPU 3 Bible Online

AYUPU 3 - pokoot bible

AYUPU 3

¹Sörömunyi kutor Ayupu kïngalan, kïchïp asisini kikïyï.

²Kimwa nyinte lö, “Heywey Tororöt, nya kïchïpö asis nyo kikïyiyanïn akïchïpö nangatunini kakïsïch worö!

⁴Iwaghak asisoni kïtuwit, we Tororöt. Mekany kenan ngat asisoni amekanya kulïwchï löpoyïn ngat.

⁵Nya kïlïkwï asispa sïngiryö akïtuwit lömïs. Iluma poltoy asisoni aimista asis nyo lïwchini nyinte.

⁶Nya kïtuwit oghononi lömïs amekanya keyit nyinte ngat.

⁷Nya kïsonön oghononi amakïlïma orinyi turönö.

⁸Nya kïchïp chïpï asisoni, nya kïchïp chane cho nkït kïpöghïsyegho tyompö nanam nyo wow.

⁹Nya kïtuwit tapoghtanyi melïwï nya kukön kïpusï amapusï amekany kïsïwa löpoyïn pö yekon.

¹⁰Nya kïchïpö oghononi kicham kesïkanïn, ntökwanyï kasïwan kömpölelyö nko nyarïl.

¹¹“Opï mamegh ompö muyeto yonyu, anta amegh otini kikïyiyanïn lachït.

¹²Kilö ne tökukanaghanïn yonyu kïpesöyichi? Akilö ne tökurerïyanïn nyinte?

¹³Ompöwölo kitökyameghan, kötö korïwön amuny,

¹⁴nko pöytoghï nko kiruri ngwïny cho kitekyï kegh kanastin cho le kïratis ye.

¹⁵Kitorïwan nyu nko echot cho kitïng koltin cho kinyïghit silpa korikwa

¹⁶Anta kilö ne tömökïwïrtanïn le monïng nyo kerïpï, le mnyarkiltin cho melö kisïwa löpoyïn?

¹⁷Mökususönye pich mwokïyis ompö ngwen, mungo wöloni pich cho kyoghochö.

¹⁸Nyoru kalya chini rötote ompö wöloni, melö tökïlïmöy chane kuti nyaparyan.

¹⁹Mi pïchï cho mïnkech nko cho echön wöloni, akutyokote sekey ompö echotkökwa.

²⁰“Ompö ne töketöni löpoyïn pich cho mi nyarïl? Akwompö ne töketö söpon pich cho tïng ngwonïn?

²¹Cho könöy meghat, wölo metunye Akïyar kong meghat kïtïl koltin.

²²Chane cho ngörekyot tya akïturonchö, otini kasïwa kuka ngwen?

²³Ompö ne töketöni löpoyïn chi nyo kikewïnya or chi nyo kikuwaka Tororöt kasar?

²⁴Ompöwölo kilïkwï sönönötö omisyenyan, kariran kïtörengu lok le pögh.

²⁵Ompöwölo kengwïnchanïn kïgh nyo kowöghan akikutomchanïn kïgh nyo otyenanïn kisön.

²⁶Motïngetanye kalya anta payasat, puryö kimïny, wölo köpkonchanïn nyörilwok.”