Read pokoot TUMWÖY 2 Bible Online

TUMWÖY 2 - pokoot bible

TUMWÖY 2

¹Ekwompö ne, tökïyöröy puntonï wököt, akwompö ne tökunonöy pipö punton wököt amemuköy?

²Tötöy kegh pöytoghi ngwïny akurur kegh kirwokotï atökïporyeghö ECHOTYON nko pöytoghin nyo kakïl nyinte.

³Akïlö, “Nya kengötiyö sïrïmtinekwa akewirta pörköyikwa kïlowöchitu ompö acha.”

⁴Roröchini nyinte nyo töpo yïm chane. Nyerero Echotyon chane.

⁵Atolapay kïchil chane ompö nörekyö akwotyeghö ompö sïngiryenyi akïlö,

⁶“Kotönön pöytoghintenyu kïtöpö Sayon,* kutïngtönyan nyo tïlil.”

⁷Lentöy pöytoghintö, “Omwotïtonan ngölyonto ECHOTYON, Kölenchanïn nyinte, ‘Ichinyi Werïnyan, ochan papongu nyo koyiyinyi ye.

⁸Somanïn atokonïn pipö punton paytena akïlïkwï nyengu ngwïnya kïmïkul.

⁹ Ilïwonyi chane lïpö karïn aitïghotïgh chane le kerpes?’ ”

¹⁰Kïlenyona ochïreritunö ye nyu, akwa, pöytoghï ater rirunat akwa, pöytoghi ngwïny.

¹¹Opöghisyechinö ECHOTYON ompö konyït,

¹²oturonchenö ap kegh ngwïny, atömanarek nyinte atömowonyeghö arawet. Ompöwölo ngwan lö kat nörekyenyi. Soyönote cho ghïpchegho wölo mi nyinte. Tum pö Daudi nyo kitum otini kipertegha werïnyi Apsolom.