Read pokoot TUMWÖY 26 Bible Online

TUMWÖY 26 - pokoot bible

TUMWÖY 26

¹Söröpko, we ECHOTYON, ompöwölo kyarïpan mantanyu. Kyatwaytinyi kegh amotomtomönönye.

²Syakante, we ECHOTYON, aityamanïn. Roswante mïkulöwunyu nko kinonutkachu.

³Mi chomnyengu nyo pö kokay nko ani kïnomnyö, orïpan ngaleku osis löwïr.

⁴Melö otöponan nko chelölos amotïnganye kïgh lïsï.

⁵Mochömanye ghömïchö nko mwokïyis amompuranye nko ptakalis.

⁶Omwötan morichu, we ECHOTYON, motïngetanye lelut. Oriman ato kïpelo amörostöngu,

⁷atumöy kusil tum pö kisoyönöt, amwotïtöy töngönchintineku löwïr.

⁸Ochöman möngengu, we ECHOTYON, wölini mito ororyengu.

⁹Meparante nko mwokïyis anta icheng söpontönyan nko cho pö rïmï,

¹⁰pich chane cho ighöy ngokï kïnomnyö akïchömöy pich cho yenonu egh.

¹¹Wölo orïpan ghan nyo le ani mantanyu, isyonchante aisörwante.

¹²Oghyongonan ato chïchïmate, asalan ECHOTYON, ompö kwenu söpïch nyo pö pikachi. Tum pö Daudi.