Read pokoot TUMWÖY 74 Bible Online

TUMWÖY 74 - pokoot bible

TUMWÖY 74

¹Ompö ne tepïstechanyi kokay nya, we Tororöt? Inörekyinenyi kechiryeku so?

²Inan piköku cho kikïlanyi kïngeta otini le könyisyok, chanye kyalanyi atökïlïkwï piköku kegh. Inan kutïng pö Sayon* nyanye kimanganyi.

³Nyapanena tanga wölo kikirultö. Kinyar pung tïkwïn löwïr ompö Kongu nyo tïlil.

⁴Kyoröncheghö punköku Kongu ompö rïntagh akutö penterenikwa kïlïkwï macheyu rïntagh.

⁵Karkegh chane nko pich cho töröy kwen, cho töro oywöyikwa ket.

⁶Kirïngarïng chane kukoti Kongu ompö oywöy nko nyuntunekwa.

⁷Kipel chane Kongu nyo tïlil akusïmnyon ataye kïsogheninyi.

⁸Kimwa lö wonyecha lömïs akïpel wölo kïsogho Tororöt ompö kor kïmïkul.

⁹Melö tökïmi töngönchintinö ngat, amelö töketïngetenöcha werkoy. Amökinkïtöchanye lö lïku nyete nko oyï!

¹⁰Ayo we Tororöt, roröchininyi pungköcha nko oyï? Nyerinyi so chane kokay?

¹¹Kö lö ne tetaghanyi ngaraka piköku? Ompö ne tepïrchinönyi ewuneku takat?

¹²Ichinyi pöytoghintencha we Tororöt, kïngeta könyisyok akesörwechanyi kïnyïl cho chang.

¹³Kipesyenyi nanam ompö owesyengu nyo wow ailïw mötöwo tyonkïn cho kimi nanam.

¹⁴Kilïwönyi mötöwo Lepiyatan[9] nyo mi pögh aitö panye tïpö wudïn kwam.

¹⁵Kighanyi konyi pöghon nko wölo yintegho pögh aigh lalwatïn cho echön kïtenyö.

¹⁶Kighanyi pöghet nko nangat aitö asis nko arawa woptinekwa.

¹⁷Nyi nyo kitat rotyotïn cho pö ngwïny aigh kömöy nko pengat.

¹⁸Nana we ECHOTYON, wölo nyertoninyi punköku nko wölo söstoy kaynengu sölwöy.

¹⁹Mepïsï chamanköku pung cho ghach amewutyeghö piköku cho mi nyarïl!

²⁰Inan mumengu, ompöwölo kinyïghï mosï kore kïmïkul.

²¹Mekany kïsïch arasï pich cho kireyöy, nya kïsalinyi meyï nko chopot.

²²Ngeta, we Tororöt aighet kegh! Nana wölo nyertoninyi sölwöy osis löwïr.

²³Mewutyeghö kiteghateto punköku, pölötengwa nyo pö kïnomnyö. Ompö kintöghoghinto tumï. Kïrïp kegh nko “Menyar.” Tum pö Asap.