Read pokoot OMTOGHIN 4 Bible Online

OMTOGHIN 4 - pokoot bible

OMTOGHIN 4

¹Atolapay asïwan ngat wökut löwïr cho kïpöghisyegho ompö ngwïnyi asis. Kimi pich kïrirsot cho kikïpïr akimöminye chi nyo kisoghsoghöy chane! Akitïng wökikwa owesyö akipuryö chi nyo kisoghsoghöy chane.

²Anan lö kaykay pich cho kimeghö kïtïl cho tökïsöpchot.

³Wölo cho kaykay kïtïl choni kwodeny kï chane cho melö kakeyï, ato tomöcha kïsïwa wököt nyo ighöy pich ngwïnyi asis.

⁴Atolapay kïpköchanïn lö kichï sïngut löwïr nko ighisyewut pö tïnganat kïpkonöy ompö amata nyonyintöno chi nko pöröryenyi tömökïtïl nyinte. Kwïlenyoni tïkwïl akïlenye ato yïyonöy yomat.

⁵Kïmwoghöy lö lïku cho sölwö nyo mömïchini ewunechi takat ntökukar.

⁶Töptoy lenye nyoni, wölo kaykay cho ngörï cho kyomtoy tölosyö kïtïl cho chang cho kïsïngo kwïle akeyonota yomat.

⁷Kyasïwan ngat kitö anka nyo le kwïle ompö söpon.

⁸Mi chi nyo mi onkït, nyo mötïngnye werïnyi anta werïngwa akïmi nyinte kïsïngöy kïnomnyö amelö mïchini nyinte sïkönöt nyo tïng. Pöyitu ngo nyu tïkuchoni sïngo nyinte lenyoni akïmul kegh ngarakat? Kwïle nyoni tïkwïl, akwotöp nyo pö kiwongunöt nyo wow.

⁹Kaykay pich odeny kïtïl chi akonga, ompöwölo nyoru ropöwon nyo karam ompö sïngutyengwa.

¹⁰Ompöwölo ato pït akonga, kungöroköy chitö anka kïnget, wölo otyogh ompö nyo le akonga ato pït akï puryö chi nyo ngöroköy nyinte,

¹¹Kïkany ngat ato ruyö pich odeny tïkwïl, kïlölöngchini chane, wölo memukönye nyo le akonga ntökulalang kegh.

¹²Muköy pich odeny kughyongtoy poryot nyo kötö rïntoy chi nyo le akonga. Akwaghïgh kengötiy pörköyö nyo kakituyö kïnyïl sömök.

¹³Muköy chi kïghetu ntökïlïkwï pöytoghinteto korenyi kegh anta ngeta chela akïwö kïpayta, wölo otini kayosit akïsölwontön ntökïmökïlïtönye kirurötö möt, kïmelö karam nyinte kïtïl karöchïnin nyo le meywon akïngöghom.

¹⁵Ananan pich löwïr cho mi ngwïnyi asis kïpköchanïn lö mi kwenungwa karöchïnin nyo köchini ngacharu pöytoghin.

¹⁶Kimöminye sörömu pich löwïr cho kimi parakungwa, wölo kïrkegh kïlenyoni, kïmelö mi pich cho ngörökyini nyinte nyoman, kwïlenyoni tïkwïl akïlenye ato kïyonöy yomat.