Read pokoot TUM PÖ TUMWÖY 4 Bible Online

TUM PÖ TUMWÖY 4 - pokoot bible

TUM PÖ TUMWÖY 4

¹Ichinyi pïchigh kïtya nya chamanenyu, sïwene wölo ichinyi pïchigh kïlïkwï! Karkegh konyiku cho yentoy kolikö nko konyi chepïrïm. Lata puteku okwot pö ngaror cho petöy kururtoy kamaspa Kiliad.

²Relach keleku le kechir cho kakïmut put, anta cho kapkana wölo kiwuno akïyiyöy keche anka tïkwïl sala akï möminye nyo le ompö akonga nyo mi onkït.

³Pïrir kutingu le chiriryan, akïpïchigh kutingu, Tömusöch lalapkayiku le kïkuwen, cho wowuno sïra.

⁴Karkegh katïngu nko pchöri Daudi nyo kikïtek atökerorchï kari lïk. Kikiwusyï orinyi longoy cho makïrar, akï pö karichoni pö lïk löwïr nyökon.

⁵Karkegh kitiku kwodeny nko wara kachey cho le sala cho oketïyi kwenu tapïkoy.

⁶Otöponan kutïng pö mankoy cho ngutoy cho onyïn nko kamaspa körösyon, ntökïtenö kuwas akupot tuwïn.

⁷Ichinyi pïchigh nyoman, chamanenyu, amelö mi lelutyö nyo itïngetenyi.

⁸Nyonö chamanenyu kepeghena tïkwïl Lepanon. Rökunenö walpa kutïng pö Amana, kïngeta walpa kutïng pö Senir nko Ermon, wölo möngöy ngötunywö nko möriltin.

⁹Kaparanïn chomnyengu, cheptönyo, kengwïsanyi mïkulöwunyan otini kerosaninyi kewanganïn sönöywö akong nyo pïchigh nyo ilokenyi.

¹⁰Anyïn lö ne chomnyengu, nya cheptönyo! Ngwangwa chomnyengu kïtïl dipay* akïngutoy mwadangu nyo anyïn kïtïl kïgh anka tïkwïl!

¹¹Tökuno onyïniö kutingu le yit pö möghen, cheptönyo. Anyïn ngalyapungu ompö ani le chö nko kumat. Ngutoy sïroköku keti Lepanon.

¹²Para tapïkoy nyo wïngate cheptöncha, chamanenyan, par nyo wakate, kö pö pögh nyo melö kïghömtoy.

¹³Lïku moriku cho kesïl para makomanka nyo yinu akwa cho karamach, choni kï ina nko nordo,

¹⁴nordo nko sapron nko kalmas nko sinamon, ket löwïr cho kïpelöy tökïngutö nyo anyïn, mankoy nko udi nko tïkwïn löwïr cho ngutoy cho onyïn.

¹⁵Ichinyi kompa pögho par, kö pö pögho söpon, lalwatïn cho yinuno kutïngkoti Lepanon.

¹⁶Ngeta, we yomo okumpö ewu löt, nyonö, we yomo okumpö ewu tagh! Kuta parenyan kïmïkul aikany kïyasta ngutoghtanyi nyo anyïn. Nya kungwïn chamanenyan parenyi akwam akwechi cho pïchighöch.