Read pokoot TUM PÖ TUMWÖY 6 Bible Online

TUM PÖ TUMWÖY 6 - pokoot bible

TUM PÖ TUMWÖY 6

¹Köwö onö chamanengu nya, we kokonï pïchigh? Kamïla chamanengu kïwö onö atökesakasacha wölo mi nyinte nko nyi?

²Köwö chamanenyan kïröytö parenyi wölo kipito keti cho kighöy kïlïkwï sakat atökuyakwï kechiryechi wöloni le paren atökïghamït tapïkoy.

³Opoyan chamanenyu, kï nyinyan nyinte, yokwïyi kechiryechi kwenu tapïkoy.

⁴Ichinyi pïchigh le Tirsa, we chamanenyu, nyo chömunote le Yerusalem nyo pö otyogh le pipö lïk cho tïng pentera.

⁵Yodena konyiku ompö wölï omitan ompöwölo susanïn tya. Karkegh puteku nko okwot pö ngaror cho rökuno kamaspa Kiliad.

⁶Relach keleku le kechir cho kakïmut put, anta cho kapkana wölo kiwuno akïyiyöy keche anka tïkwïl sala akï möminye nyo le ompö akonga nyo mi onkït.

⁷Karkegh mötonyweku cho keyen kolikö nko okin nyo lïmum nyo kakïpar kïlïkwï odeny.

⁸Muko kïmi malikiyen cho le tömönut mut nko akonga, anta chemïnïngwen* tömönut mut nko sömök, nko tipïn cho makïrar,

⁹wölo chamanenyan kï akonga, cheptukwenyan akonga kïpoto nyo tenate. Nyinte kï monto yonyi nyo le työ onkït, akï chamaneto kame. Kïsïwa tipichay nyinte akïkurö nyo soyönote, kïsïwa malikiyen nko chemïnïngwen tïkwïl akïsal nyinte.

¹⁰“Ngo nyï ato kïtopön kïwow le kiwasan, nyï pïchigh le arawa akulïwu le asis, nyï pö otyogh le setï cho tïng penteren?”

¹¹Oröytan atang para akwa cho lata arol atotopön ket cho katapïkan ompö mpöghogh atasïwa lö kikïtapïkan keti sapipun akïtapïkan tïkwïl keti makomanka.

¹²Nyini kitomönye onkïtwan, kwipenanïn chamanenyu nkari nyo pö chi nyo wow.

¹³Mïlena, mïlena, we chepö Syulam, mïlena kemilacha nyi. Ompö ne totopönekwa chepö Syuman le ato kïtopönöy nyalat ompö tawu pung odeny?