Read pokoot TUM PÖ TUMWÖY 7 Bible Online

TUM PÖ TUMWÖY 7 - pokoot bible

TUM PÖ TUMWÖY 7

¹Pïchighöch kïtya kelyeku ato tïköy kwegh we chepï pö ka pöytoghin! Karkegh chotiku cho lïmumöch nko koghïn cho pïchighöch, cho poru ighisyo tïngan.

²Kilïmuma sïrumpengu le otupö nyo mewonyeghonye dipay* cho kikekulkulyö. Lenye muyengu nkanun cho kakitïkum akeyokirö tapïkoy kuwit.

³Karkegh kitiku kwodeny nko wara korinya cho le sala.

⁴Karkegh katïngu nko kela pelöw cho kikïtek atökeripsyeghö. Lata konyiku ngörpilwo Espon ompö ara Pat Rapim. Karkegh sörömungu nko kö pö Lepanon nyo kogh, nyo kïripsyegho aketopöntegho Damaska.

⁵Kisyolö mötïngu le kutïng pö Karmel akï pïchighöch puteku cho kinyulta lata awïrya akwa lamay. Töni pïchighyononi pöytoghin ngöghöp.

⁶Wechï ichinyi pïchigh aichï chömunote, we chamanenyu, työ nyo ilölonganïn.

⁷Kikongityot koghïntöngu nko ket pö sosyon, akïkarkegh kitiku nko akwechi.

⁸Kyolan opusan ketoni pö sosyon atanam akwechi. Ompö ani, karkegh kitiku nko surut pö sapipun, akïtorï kïmïstöngu onyïniö le akwa cho onyïn,

⁹akï ngutoy kutingu le dipay cho pïchighöch. Kïlenyona nya kïröytö dipaykö kurel chamanenyan ori, kuwerata kutinyi nko kelechi.

¹⁰Opoyan chamanenyu akï pïrchinoghtanyi kï nyinyan.

¹¹Nyonö chamanenyu kanya kepe wölnö le wuw atökegha möngenyo kanastin cho mïnkech.

¹²Kanya kewastena wölnö le pareni sapipun tökesïwena ato kikïngany tapïk keti makomanka. Oporuneninyi atoni chomnyenyu.

¹³Ngutoy lopot nyo anyïn ompö wöloni, akwitu nyini le kukencha akwa cho karamach, cho tökïrelach nko cho kipöyit köny, cho kökyororunyi, we chamanenyu.