Read pokoot TUM PÖ TUMWÖY 8 Bible Online

TUM PÖ TUMWÖY 8 - pokoot bible

TUM PÖ TUMWÖY 8

¹Wechï kiteroko kilatenyi werïncha, nyo kirerï yonyan! Ntökyonyorchinyi wölo le sany, kitochïchïninyi akitömöminye chi nyo kitöroröchinanïn.

²Kitomïtinyi ntelïtönyi koto yonyan, ntelïtönyi konyi wölini kikïsïkenanïn. Kitö okoninyi dipay* cho onyïn cho igheghöy, pögheko akweko makomanka.

³Opï kitigh mötïnyan ewunyi nyo pö löt akuwitanïn ewunyi nyo pö tagh!

⁴Omwante muma tipichï pö Yerusalem, lö mowïkyinekwanye ma anta olïtyï chomnyencha nyonikïny.

⁵Ngo nyinte nyinö ngwïno surkwen akïmi kïtingo kegh chamanenyi? Kyangetinyi otini kimitenyi ket pö okin ghït, otini kimi komöt kïkïghöy ompö nyi, kimi atoni kïkïghöy nyinte nyini kiyiyïnyi.

⁶Tönanïn mïkulöwungu le machey, kïle machey ompö ewungu, ompöwölo awes chomnyogh le meghat, akï gha sastagh le ngwen. Karkegh lyopötenyi nko lyopöto ma, lyopöt nyo körom tya.

⁷Mönuköcha pögh cho chang mapa chomnyogh, akïmemuköcha puser kuchutöy. Ntöketöto chi sïkönötenyi ompö chomnyogh, kötökïroröchini nyinte kïmolï.

⁸Kïtïngetecha cheptönyo nyo tökïmïnïng, nyo tomönye kïrïtu kitïn. Kighchinecha ne nyinte ato itïta ato kilotokïnöy?

⁹Ato nayat nyinte, ketekecha parakunyi nayatu silpa nyo syolote wölo ato kukat nyinte, kekörteghocha nyinte mpawtina tarakit.

¹⁰Kyochan nayat, akikarkegh kitichan nko panchen cho kïripsyegho, kyomitan nyu konyichi, le chi nyo ipu ngala kalya.

¹¹Kitïng Solomon para sapipun ompö Paal Amon, kumönokyï ripichoni paranoni atökwipï chi anka tïkwïl ropïyeni silpa elpu akonga cho pö sapipun.

¹²Nyinyan pareto sapipunechan, nyinyante kegh parenyan nyo pö sapipun, wölo nyi, we Solomon, töpenönyi nko ropïyeniku cho le elpu akonga, kudong atoni ripi akwa chikwa cho le pokolay odeny.

¹³Nyi nyo itöpo parenyan, mököy kongotichan parenyan kïlïmöy kutingu kanya alïman tïkwïl.

¹⁴Kelunö chamanenyu, le chelopot anta le wawa korinya, nyo mi kutïngkot wölo pito tïkwïn cho ngutoy cho onyïn.