Read pokoot ISAYA 1 Bible Online

ISAYA 1 - pokoot bible

ISAYA 1

¹ Sïwïyaghtin cho pö Yuda nko Yerusalem cho kiporchï Tororöt Isaya wero Amos ato kipöytoy Usia nko Yotam nko Aas nko Esekia Yuda.

²Kilö ECHOTYON, “Atera yïmwöy aikap yitïn ngwïnya, Otïngön monïng cho kyanaman ntökïyetu, Wölo kanget ye kïpenyanïn

³Nkït tïch chi nyo pö akunkït sïkïryö pidangwa, wölo menkïtnye kïgh Israel, möpköchininye kïgh piköchan.”

⁴Heywey, mwokïyis pö punton, pich cho kösönöy nïkisïntino ngokï! Chutwokwa ngokikwo oröytenö ngwïny! Kataghakwa ECHOTYON, Tororöt pö Israel nyo Tïlil, apörchikwa nyinte pötoghwekwo.

⁵Kölö ne toletekwa tagh nko penyat? Tomökekwa so kenyörilokwa kong nya? Kikïghömï moyoy mötïngu, we Israel, kikuchir mïkulöwungu nko mötïngu.

⁶Möminye portöngu wölo söpote kïngeta möt ntökwit kel. Kighömunyi moyoy nko perutöy melö kikïrat. Puryö chi nyo kimwat moyokö anta rat, amöminye chi ompö nyo kinura mwagh.

⁷Kikepar korenkwa kïlïkwï kïratyan akepel kanastinekwa lömïs. Chengöy pïnotï parenikwa osïwïyekwa akwane akuwur kïgh anka tïkwïl.

⁸Ngötu Sayon* onkït nyo kïmi keriköy, kikongityot nyinte nko pancha nyo mi para sapipun, akïkarkegh nko kö pö par nyo mi para mïnyanytin, kikongityot nko kanasyan nyo kïmi keriköy.

⁹ Ntökimetuch ECHOTYON Kimuktoghin pikö walaka kïchïwïtyö, kitökikewur Yerusalem lökarpïs, le wölo kikida Sodoma nko Komora.

¹⁰Atera ngölyonto ECHOTYON pöytoghi Sodoma nko Komora nyo mwowokwa. Alïma kïgh nyo netokwa Tororötïncha.

¹¹ Mwoghöy nyinte lö, “Olentekwa so omökan tïsöwekwa cho chang le chï oropkanïkwa? Kikïmïchanïn tïsöwo mökol cho kakïpelwanïn nko sunetko kyakikwa cho okwoghöch. Motïngetanye machat nyo pö kisön pö kir nko cho pö mökol nko cho pö ngaror.

¹²Ngo nyini kitepakwa lö opkanïn tïkuchoni löwïr otini opkonekwa otïkonu Konyan?

¹³Kopukwa kwïle tïsöwekwo. Kikïghöchachïn ngutogh pö tïkuchoni opelekwa. Melö tomukan omïkukönchini Ichontinekwa cho pö Relïn pö Arawa nko Sapatotinekwa* nko tuyotïnekwa cho oryomokwa ompö sowut. Kewur ngokikwa choni lömïs.

¹⁴Ghöchinanïn Ichontinekwa cho pö Relïn pö Arawa nko cho pö osiswekwa cho echön. Nïkisöch chane tya ompö ani. Momukanye osïtöy.

¹⁵“Kïrkegh kosyolökwa ewunekwo parak ompö saghat, kïmelö orosokwa, kïrkegh kamwaghakwa sowut cho tya, kïmelö olïman, ompöwölo nyïghitate kisön ewunekwa.

¹⁶Owunö kegh atotïlilitunö, awirteghena wölo omitan ghöyityö,

¹⁷anet kegh agh tïkwïn cho tenote. Asïwa lö keghisyö ngala man, angaraka pich cho kireyöy atö pönon tïkukwa angarak mïsïktin.”

¹⁸Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

¹⁹Omekwa tïkwïn cho karamach cho pkono korononi ato arïpakwa kïnye ngalechan.

²⁰Wölo ato apenyakwa ngalecha, kewongenokwa chok lökörpïs.” Mwoghöy ECHOTYON.

²¹Kötöpö onö kanasyantanï kighanate tökïlïkwï chepores! Kinyïghitate pipö man orinyi osiswe walaka, wölo köngötï ye nyu rïmï opïn.

²²Kalïkwï ye nyu ropïyeniku samï, akïlïkwï dipayköku* chay karamach pögh kwïle.

²³Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.

²⁴Kïlenyona alïma kïgh nyo mwoghöy ECHOTYON Kimuktoghin, Tororöt pö Israel nyo awes lö, “Oghokunan ghöyityö wölo imitenyi, ato ngat.

²⁵Oghan kïgh nko nyi, otïlilinyi le wölay kidoy karïn, apuktan sïmnyontengu kïmïkul.

²⁶Otöninan pöytoghiku kirurut cho kongityot nko cho kipö tagh. Kïkuro nyu Yerusalem kanasyan nyo pö man, nyo ghanate.”

²⁷Söru ECHOTYON Sayon* nko chi anka tïkwïl nyo kötoy ngokichi, ompöwölo pö man nyinte.

²⁸Wölo wuröy nyinte mwokïyis nko penyï löwïr nko chane tïkwïl cho pïstoy ECHOTYON.

²⁹Ompöwölo lolïyonsot pich lö opï atanye kesoghe ket, akekatkat walaka parenicho cho kikïsagh achane.

³⁰Osilonchokwa le söko ket nyo kayam, le par nyo kötenchï pögh.

³¹Kikongityot chi nyo awes atoni nko mopö cho pelöy koto kipiriti akong, wuröy nyu ighisyewutkökwa cho ghach pich cho owesöch lenyoni asïyech, amelö mito chi nyo muköy kïsörunö chane wïratanoni.