Read pokoot LAWIN 11 Bible Online

LAWIN 11 - pokoot bible

LAWIN 11

¹Kïlenchï ECHOTYON Musa nko Aron,

²“Olenchinö pipö Israel, Achï tyonkïn cho omekwa cho sötote ompö ngwïny.

³Omukekwa ome tyony anka tïkwïl nyo sakate putïlyö akuntoröy ngömïgh.

⁴Wölo mi tyonkïn walaka cho ntoröy ngömïgh le tamasay nko köneroy nko plekwoy, kïrkegh kentoröy ngömïgh, wölo melö sökote putïlöy. Sïmnyon tyonchoni ompö akwa.

⁷Mam nkïruwen, cho kïrkegh sökote putïlöy, wölo mentoröcha ngömïgh. Sïmnyon tyonchoni ompö akwa.

⁸Motöp ntam panyekwa anta aswany nyo kama, ompöwölo sïmnyon ompö akwa.

⁹“Achï tïkwïn löwïr cho omekwa cho mi pögho nanam anta lalwatïn kïgh anka tïkwïl nyo tïny köpepoy nko nyo tïny resyan.

¹⁰Wölo tïku walaka löwïr cho mi nanam anta lalwatïn cho melö tïng köpepoy nko resyan kekïrenokwa.

¹¹Akïnyïl kekïrenokwa, motöp ntam panyekwa anta aswany nyo kama.

¹²Kïgh anka tïkwïl nyo satate nyo mi pögh nyo melö tïny köpepoy anta resyan kekïrenokwa.

¹³“Motöp ntam töritwechï: sichtin nko pyukïktin nko sirören nko kamchereresöy nko mötongtin nko chesampunoy nko kukayoy nko cheptusonkoltin nko töritwo nanam nko kachïlïkoköchtin nko kongoytin nko törit cho karkegh nko paten nko wutpöghö nko reresoy.

²⁰“Kïkïrenokwa tyonkïn löwïr cho tïng köpepoy nko kelyön angwan,

²¹kïpoto tïkwïn cho komtoy ato piltoy.

²²Omukekwa ome talam nko tarkakay nko kaperon.

²³Wölo kïkïrenokwa tïkwïn walaka tïkwïl cho tïng köpepoy nko kelyön angwan.

²⁴“Chi anka tïkwïl nyo swongöy nyo kama ompö tyonchï melö sökote putïlöy akuntoröy ngömïgh nko tyonkïn löwïr cho tïng sighoy kïlïku sïmnyon kwimön. Akï chi nyo sïtöy tyonyoni kama kïmïchini kuwun sïrokachi wölo lïku nyinte sïmnyon kwimön.

²⁹“Achï tyonkïn cho mïnkech cho pestegho ngwïny cho le sïmnyon ompö akwa: pungungwöy nko mïr nko martas

³⁰nko pönkös nko nyirit.

³¹Anka tïkwïl nyo swongöy nyo kama, kïlïku sïmnyon kwimön.

³²Ato chïnchï nyo kama kïgh anka tïkwïl ato kö pö ket anta sïra anta menyon anta kwïnïya kïlïku sïmnyon, kïmïchini kelut pögh, lïku sïmnyon kwimön.

³³Ato chïnchï akonga tör, kïlïku sïmnyon kïgh anka tïkwïl nyo mi ori, kïmïchini otïghökwa törononi.

³⁴Omisyö anka tïkwïl nyo kötökyomöy wölo kömi pögh cho pö törononi nko pöghechoni tïkwïl, kïlïku sïmnyon.

³⁵Kïgh anka tïkwïl nyo köchïnchï tyonyoni kama, kïlïku sïmnyon. Ato kö nökögh kïmïchini ketïgh.

³⁶Tïlil kompa pögh anta kö pö pögh, wölo sïmnyon chi anka tïkwïl nyo swongöy tyony nyo kama.

³⁷Ato chïnchï tyony nyo kama kösïgh cho mach kekatkat, kï mölïkunye sïmnyon.

³⁸Wölo ato kakenur kösïghe akïchïnchï tyony nyo kama, kïlïku sïmnyon ompö akwa.

³⁹“Ato ma tyony nyo kikechömwokwa ama akïswany chi kïlïku nyinte sïmnyon kwimön.

⁴⁰Chi anka tïkwïl nyo kam pempö tyonyoni kïmïchini kuwun sïrokachi, akïlïkwï sïmnyon nyinte kwimön. Anka tïkwïl nyo chengöy tyony nyo kama, kuwunöy sïrokachi akïlïkwï sïmnyon kwimön.

⁴¹“Mam tyony anka tïkwïl nyo wegho ngwïny kïkïrenokwa,

⁴²ato köwestegho ngwïny anta kechuto kegh mu ngwïny anta nyo westegho kelyön angwan anta nyo tïng kelyön cho chang.

⁴³Mam kïgh anka tïkwïl ompö tyonychï, atömalïkwï sïmnyon.

⁴⁴Ochan ECHOTYON Tororötïnkwa otïlilö kegh ompöwölo ochan tïlil. Amosïmnyon kegh ompö kïgh anka tïkwïl nyo westegho ngwïny.

⁴⁵Ompöwölo ochan ECHOTYON nyo kyamïtwakwa apkanena koro Misri atalïkwan Tororötïnkwa. Kïlenyona otïlilitunö ompöwölo ochan tïlil.”

⁴⁶Chete kirurut cho pö tyonkïn nko törit nko ighan anka tïkwïl nyo satate nyo westegho pögh ori nko ighan anka tïkwïl nyo westegho ngwïny.

⁴⁷Atamuka opesyenö tyonkïn cho le sïmnyon nko cho melö sïmnyon, cho kyomöy nko cho melö kyomöy.