Read pokoot YEREMIA 47 Bible Online

YEREMIA 47 - pokoot bible

YEREMIA 47

¹Kingölonwanïn ECHOTYON kïtomö kïrïnta Parao kanasyanta Kasa ompö pipö Pilisti lö,

²“Arosa! Keghumonï pögh cho rökuno okumpö löt, lïku lalwa nyo nyïghiti puseryonta kïnyalta. Lumöy puseryontononi kor nko tïkwïn cho mi kor, ametukönye kanastin nko pich cho möngöy ori. Riryot pich kengarak, loksot kuteghyot pich cho möngöy koronete

³kïlïmöy kelyo angoletin kutimtimö ngwïnya otini petöy kïlïmöy tïkwïl kighumöto nkaritin pö poryot cho chutöy angoletinö Mïghyot nyu papotïno nko yotïn lö chïrïm, amökuyodonye kegh wölo mi monekwa kichïnto morïn ompö mïghö.

⁴Ompöwölo kikwitïta ato kiwuröy pipö Pilisti lömïs, akengötigh lömak kingörokut, nyo ngwïno koro Tiro nko Sidon. Ompöwölo owuran ante ECHOTYON pipö Pilisti, pïchoni löwïr pkono Kaptori, kor nyo riköy kegh nko nanam.

⁵Karwak pipö Kasa mötöwöy akwompö sönönöt kewonyö kïlïkwï kïratyan kanasyanta Askelon Ayo akwa pipö Anakim cho köngötï, owötowötekwa kegh porwöy ompö sönönöt nko oyï nya?

⁶Koriryökwa, ateghyö olentöy, ‘Ayo we chokonï pö ECHOTYON, oyï ato isisenyi amepörisyenö nya? Ne melït malyantengu aisisï kegh!’

⁷Wölo muko lö ne kïsï akwanyï kömwochï ECHOTYON kwigh pöghisyenyi? Kömwochï kïpar pipö Askelon, nko cho möngöy ato lekïto nanam.”